नांदेड १६ डिसेंबर (प्रतिनिधी) माधव वाघमारे शहरात सार्वजनिक ठिकाणी दारू पिऊन शांततेचा भंग करणाऱ्यांविरोधात पोलिसांनी कडक भूमिका घेतली आहे. पोलीस अधीक्षक श्री. अबिनाश कुमार यांच्या आदेशानुसार नांदेड सिटी स्ट्रीट सेफ्टी ड्राईव्ह अंतर्गत विशेष पथकांची नेमणूक करून शहरातील विविध भागात धडक कारवाई करण्यात आली.
दिनांक 15 डिसेंबर 2025 रोजी पोलिस अधीक्षक श्री. अबिनाश कुमार, अपर पोलीस अधीक्षक श्री. सुरज गुरव यांच्या सूचनेनुसार व मार्गदर्शनाखाली ही कारवाई राबविण्यात आली. सार्वजनिक ठिकाणी दारू पिऊन गोंधळ घालणारे, शांततेचा भंग करणारे तसेच अवैध प्रकारांना आळा घालण्यासाठी विविध पोलीस ठाण्यांच्या हद्दीत तपासणी व कारवाई करण्यात आली.
कारवाईचा तपशील पुढीलप्रमाणे
- पोलीस स्टेशन विमानतळ: पेट्रोलिंग दरम्यान आनंदनगर परिसरात मोटारसायकल ट्रिपल सीट आढळून आल्याने संबंधित वाहनावर 500 रुपयांचा दंड ठोठावण्यात आला. तसेच परिसरातील दारूची दुकाने, वाईन शॉप व हॉटेल्सची तपासणी करण्यात आली.
- पोलीस स्टेशन भाग्यनगर: नक्षत्र हॉल परिसरात सार्वजनिक ठिकाणी मद्यपान करून शांततेचा भंग करणाऱ्या एका इसमावर कलम 110/117 म.पो.कायद्यानुसार कारवाई करण्यात आली.
- पोलीस स्टेशन वजीराबाद: वजीराबाद चौक परिसरात सार्वजनिक ठिकाणी मद्यपान करणाऱ्या तीन इसमांवर कलम 110/117 म.पो.कायद्यानुसार गुन्हा दाखल करण्यात आला.
- पोलीस स्टेशन नांदेड ग्रामीण: ढवळे कॉर्नर परिसरात पाणी हॉटेल व क्लास दारूचे साहित्य विक्री करताना आढळून आल्याने संबंधितावर कलम 68 म.पो.कायद्यानुसार गुन्हा नोंदविण्यात आला.
- दामिनी पथक: विसावा गार्डन, देगलूर नाका, जुना मोंढा परिसरात सार्वजनिक ठिकाणी दारू पिऊन गोंधळ घालणाऱ्या चार इसमांवर शिवाजीनगर व इतवारा पोलीस ठाण्यात कलम 110/117 म.पो.कायद्यानुसार कारवाई करण्यात आली.
या कारवाईदरम्यान संबंधित परिसरातील दारूची दुकाने, वाईन शॉप्स व हॉटेल्सचीही तपासणी करण्यात आली.
पोलीस अधीक्षक श्री. अबिनाश कुमार यांनी नांदेड शहरातील नागरिकांना सार्वजनिक ठिकाणी दारू पिऊ नये, शांततेचा भंग होईल असे कोणतेही कृत्य करू नये, अन्यथा संबंधितांवर कठोर कायदेशीर कारवाई करण्यात येईल, असा इशारा दिला आहे.
