🚨 नांदेड पोलिसांची मोठी कारवाई! “ऑपरेशन फ्लॅश आऊट” अंतर्गत गुन्हेगारांवर धडक छापे 🚔

नांदेड, दि. 26 ऑक्टोबर 2025 — नांदेड शहरातील चोरी व शारीरिक स्वरूपाच्या गंभीर गुन्ह्यांवर नियंत्रण आणण्यासाठी नांदेड पोलिसांनी “ऑपरेशन फ्लॅश आऊट” अंतर्गत मोठी मोहीम हाती घेतली आहे. आज दिनांक 26 ऑक्टोबर रोजी पहाटे 4 ते सकाळी 8 वाजेपर्यंत या मोहिमेदरम्यान विविध गुन्हेगारांवर धडक कारवाई करण्यात आली.

ही मोहीम पोलीस अधीक्षक श्री. अबिनाश कुमार यांच्या मार्गदर्शनाखाली पार पडली. त्यांच्या आदेशानुसार नांदेड शहरातील विविध ठिकाणी पोलिसांनी गुन्हेगारांचे ठिकाणे तपासली व संशयितांवर विशेष लक्ष केंद्रित केले. या कारवाईत गुन्हे शाखा, नांदेड ग्रामीण व शहर पोलिस ठाण्याचे अधिकारी व कर्मचारी तसेच अंमलदार यांनी सहभाग घेतला.

या ऑपरेशनदरम्यान वॉरंटधारक आरोपी, हिस्ट्रीशीटर, सराईत गुन्हेगार तसेच अन्य संशयितांवर तपासणी करण्यात आली. या तपासात एकूण 92 संशयितांची तपासणी करण्यात आली असून त्यापैकी 23 गुन्हेगारांवर गुन्हे दाखल, तर 9 सराईत गुन्हेगारांवर देखरेख ठेवण्यात आली आहे.

ऑपरेशन फ्लॅश आऊटचा आढावा: क्र. कारवाईचे स्वरूप तपासलेले संशयित वॉरंट बजावणी BW NBW तपासलेले स्थायी वॉरंटधारक गुन्हेगार तपासलेले हिस्ट्रीशीटर तपासलेले सराईत गुन्हेगार 1 कॉम्बिंग ऑपरेशन अंतर्गत तपासणी 92 13 04 02 11 23 09

या मोहिमेद्वारे पोलिसांनी शहरातील शांतता, सुरक्षितता आणि गुन्हेगारी नियंत्रणासाठी प्रभावी पाऊल उचलले आहे. पोलिस अधीक्षकांनी सांगितले की, अशा प्रकारच्या विशेष मोहिमा नियमितपणे राबवून गुन्हेगारीवर आळा घालण्यात येईल.