नांदेड, दि. ३० ऑक्टोबर (प्रतिनिधी) :- माधव वाघमारे नांदेड ग्रामीण पोलिसांनी गोदावरी नदी पात्रातील अवैध रेती उपसावर धडक कारवाई करत एकूण ₹1 लाख 75 हजार रुपयांचा मुद्देमाल जप्त केला आहे. ही कारवाई मार्कंड शिवारातील गोदावरी नदीपात्रात करण्यात आली.
या प्रकरणी फिर्यादी संतोष मारोतराव पवार (वय 35 वर्षे, व्यवसाय नोकरी, पोलीस कस्टमर 389) यांच्या फिर्यादीवरून नांदेड ग्रामीण पोलिस ठाण्यात गुन्हा क्रमांक 1034/2025 भा.द.वि. कलम 379 सह महाराष्ट्र वाळू नियम 2013 अन्वये दि. 29 ऑक्टोबर 2025 रोजी गुन्हा नोंद करण्यात आला आहे.
ही कारवाई मा. पोलीस अधीक्षक श्री. अविनाश कुमार, अप्पर पोलीस अधीक्षक श्रीमती अर्चना पाटील (भोकर विभाग), तसेच उपविभागीय पोलीस अधिकारी श्री. प्रशांत शिंदे (इतवारा उपविभाग) यांच्या मार्गदर्शनाखाली करण्यात आली.
कारवाई उघडकीस आणणारे अधिकारी व अंमलदार —
- पोलीस निरीक्षक ओंमकांत चिंचोलकर
- पोलीस उपनिरीक्षक ज्ञानेश्वर मठवाड
- भोसले, शेख इब्राहिम, गंगलवाड
हे सर्व अधिकारी नांदेड ग्रामीण पोलीस ठाण्यात कार्यरत आहेत.
या कारवाईत अवैधरित्या रेती उपसा करणाऱ्या दोन अज्ञात इसमांविरुद्ध गुन्हा दाखल करण्यात आला असून, घटनास्थळावरून एकूण ₹1,75,000 किंमतीचा मुद्देमाल जप्त करण्यात आला आहे.
नांदेड ग्रामीण पोलिसांचे हे पथक अवैध रेती उपसावर कठोर कारवाई करून अशा प्रकारच्या बेकायदेशीर कामकाजाला आळा घालण्यासाठी सातत्याने प्रयत्न करत असल्याचे पोलिसांनी सांगितले.
