नांदेड, दि. 7 डिसेंबर 2025 (प्रतिनिधी) माधव वाघमारे शिवाजीनगर पोलीस ठाण्याच्या हद्दीत स्टेट बँक परिसरातून “डायल 112” वर प्राप्त झालेल्या तातडीच्या माहितीवर पोलिसांनी अवघ्या काही मिनिटांत धाव घेत अज्ञात इसमांकडून करण्यात आलेल्या घरफोडी व वाहन नुकसानीच्या प्रकारावर जलद कारवाई केली.
📞 डायल 112 वरून मिळालेली तातडीची माहिती
दिनांक 7/12/2025 रोजी सायंकाळी 7.10 वाजता डायल 112 वरून एक नागरिकाने दिलेल्या माहितीमध्ये असे सांगितले की —
“अज्ञात इसम माझ्या घराचे चैनल गेट तोडत आहेत व घरासमोरील चारचाकी वाहनांची तोडफोड करत आहेत.”
घटना गंभीर स्वरूपाची असल्याने तातडीने शोधपथकाला कळवण्यात आले.
👮 वरिष्ठ अधिकाऱ्यांच्या मार्गदर्शनाखाली कारवाई
“ऑपरेशन क्लॅश ऑफ” अंतर्गत अवैध व्यवसाय, दहशत व गुन्हेगारी रोखण्यासाठी
माननीय श्री अबिनाश कुमार, पोलीस अधीक्षक नांदेड यांनी सर्व पोलीस ठाण्यांना विशेष दक्षता व त्वरित कारवाईचे आदेश दिले होते.
या आदेशानुसार, सदर कारवाई पुढील वरिष्ठांच्या मार्गदर्शनाखाली पार पडली
- मान. श्री अबिनाश कुमार, पोलीस अधीक्षक, नांदेड
- मान. श्रीमती अर्चना पाटील, अप्पर पोलीस अधीक्षक, भोकर
- मान. श्री सुरज गुरव, अप्पर पोलीस अधीक्षक, नांदेड
- श्री राजेश पुरी, पोलीस निरीक्षक, शिवाजीनगर
- मोहम्मद साजिद हुसेन, पोलीस उपनिरीक्षक व शोध पथक प्रमुख
👥 कारवाईत सहभागी पथक
- पोलीस हेडकॉन्स्टेबल : उमेश आकोसकर, संजय विमलवाड, गोरखनाथ काकडे
- बीट मार्शल : पोलीस कॉन्स्टेबल अनिल झांबरे, गोपीनाथ फुलारी
- पोलीस कॉन्स्टेबल : आनंद वाघमारे, संतोष टेकाळे
🔍 घटनास्थळी पोलिसांची पाहणी
पथकाने घटनास्थळी पोहोचून
- घराचे चैनल गेट तोडलेले असल्याची खात्री केली
- घरासमोरील चारचाकी वाहनांचे नुकसान तपासले
- परिसरातील सीसीटीव्ही फुटेज तपासण्यात आले
- दहशत माजवणाऱ्या इसमांचा शोध घेण्यात आला
पोलिसांनी तक्रारदाराला घटनास्थळी बोलावून संपूर्ण प्रकाराची चौकशी केली. तक्रारदाराची लेखी तक्रार स्वीकारण्यात आली.
⚖️ गुन्हा दाखल कायदेशीर कारवाई सुरू
अज्ञात इसमांकडून घरफोडी, वाहनांचे नुकसान, धमक्या व शिवीगाळ केल्यामुळे
सदर इसमांविरुद्ध योग्य ती कायदेशीर कारवाई शिवाजीनगर पोलिसांनी तात्काळ सुरू केली आहे.
🛡️ नागरिकांच्या सुरक्षेसाठी पोलिसांची तत्परता
“ऑपरेशन क्लॅश ऑफ” अंतर्गत अशा दहशत माजवणाऱ्या, मालमत्तेची तोडफोड करणाऱ्या व लोकांना धमकावणाऱ्या इसमांवर कठोर कारवाई करण्याचे आदेश देण्यात आले असून शिवाजीनगर पोलिसांनी या घटनेत तात्काळ प्रतिसाद देत उत्कृष्ट कार्य केले आहे.
