नांदेड, सोनखेड दि. 20 नोव्हेंबर 2025 (प्रतिनिधी) माधव वाघमारे
नांदेड जिल्ह्यात अवैध वाळू उपसा आणि वाहतूक यावर नियंत्रण ठेवण्यासाठी पोलिस विभाग सक्रिय असून, त्या मोहिमेत आणखी एक मोठी कारवाई करण्यात आली आहे. स्थानिक गुन्हे शाखा, नांदेड यांनी केलेल्या सापळा कारवाईत एक ट्रक वाळूसह जप्त करण्यात आला असून एकूण ₹45,25,000/- किमतीचा मुद्देमाल जप्त करण्यात आला आहे.
📌 कारवाईची माहिती
- गुन्हा क्रमांक: 268/2025 कलम 379 (चोरी) भा.दं.वि.
- घटनेची तारीख: 19.11.2025
👮♂️ आरोपी
- नाव: ज्ञानेश्वर सदाशिवराव येवले (31 वर्षे)
- व्यवसाय – चालक
- रा. पांगरी ता. नांदेड
📍 कारवाई कशी करण्यात आली?
नांदेड जिल्ह्यातील अनेक ठिकाणी अवैध वाळू उपसा व वाहतूक सुरू असल्याची माहिती स्थानिक गुन्हे शाखा पोलिसांना मिळाली होती. पोलिस अधीक्षक मा.श्री. अविनाश कुमार यांच्या मार्गदर्शनाखाली आणि अप्पर अधीक्षक मा.श्री. अर्चना पाटील, तसेच उपविभागीय अधिकारी मा.श्री. सुरज गुरव व उदय खंडेराय स्थानिक गुन्हे शाखा नांदेड यांच्या सूचनेनुसार ही कारवाई करण्यात आली.
19 नोव्हेंबर रोजी स्थानिक गुन्हे शाखेने जानापुरी कमान परिसरात सापळा लावला. त्यावेळी संशयित ट्रक दिसताच पोलिसांनी तात्काळ त्याचा पाठलाग करून त्याला थांबवले. तपासणीदरम्यान ट्रकमध्ये मोठ्या प्रमाणात अवैध वाळू आढळली. चालक ज्ञानेश्वर येवले याच्यावर गुन्हा दाखल करून त्याला अटक करण्यात आली.
📌 पुढील कारवाई
जप्त वाहन व वाळू स्थानिक गुन्हे शाखेच्या ताब्यात देण्यात आली असून पुढील तपास पो.नि. कारभारी नांदेड हे करत आहेत.
