🌊
बिलोली, ता. ५ ऑक्टोबर (प्रतिनिधी):
बिलोली तालुक्यात अलीकडील पूरपरिस्थितीत तहसीलदार श्री. शिंदे साहेब यांनी दाखवलेली तत्परता, जबाबदारी आणि मानवतावादी दृष्टिकोन सर्वत्र कौतुकास पात्र ठरली आहे. पूरग्रस्तांच्या मदतीसाठी त्यांनी स्वतः पुढाकार घेत, प्रशासनातील विविध यंत्रणांना एकत्र आणून त्वरित आणि प्रभावी बचाव व मदतकार्य सुरू केले.
पूराचा इशारा मिळताच तहसीलदार शिंदे साहेबांनी रात्री उशिरापर्यंत सर्व गावांचे संपर्क साधले, धोक्याच्या भागातील नागरिकांना सुरक्षित स्थळी हलविण्याची मोहीम हाती घेतली. शेकडो नागरिकांचे प्राण वाचविण्यात त्यांच्या नेतृत्वाचा मोठा वाटा राहिला.
पूरपश्चात परिस्थितीत त्यांनी आरोग्य विभाग, महसूल कर्मचारी आणि ग्रामपंचायत यांना सक्रिय करून आरोग्य , स्वच्छता मोहीम, तसेच अन्न व पिण्याच्या पाण्याची व्यवस्था तातडीने उपलब्ध करून दिली. पूरग्रस्तांना दिलासा मिळावा यासाठी त्यांनी प्रशासनातील प्रत्येक अधिकाऱ्यांशी समन्वय ठेवत मदत वितरण पारदर्शक पद्धतीने केले.
स्थानिक नागरिकांनी व जनप्रतिनिधींनी शिंदे तहसीलदारांच्या या कार्याचे “आपत्तीतील आदर्श प्रशासन” असे कौतुक केले आहे. त्यांच्या मार्गदर्शनाखाली केलेल्या कामामुळे बिलोली तालुक्यातील पूरस्थितीवर त्वरित नियंत्रण मिळाले आणि जनजीवन पूर्ववत होण्यास मोठी मदत झाली.
