नांदेड, दि. 22 नोव्हेंबर 2025 (प्रतिनिधी) माधव वाघमारे
नांदेड शहरातील सार्वजनिक ठिकाणी दारू पिऊन गोंधळ घालणाऱ्यांवर आता पोलिसांची करडी नजर असून, सिटी स्ट्रीट सेफ्टी ड्राईव्हअंतर्गत मोठ्या प्रमाणात धडक कारवाई करण्यात आली आहे. पोलिस अधीक्षक मा. अबिनाश कुमार यांच्या आदेशानुसार व अप्पर पोलिस अधीक्षक मा. सुरज गुरव यांच्या मार्गदर्शनाखाली ही कारवाई करण्यात आली.
या मोहिमेद्वारे शहरातील शांतता आणि कायदा व्यवस्था धोक्यात आणणाऱ्यांवर कठोर पावले उचलण्यात आली. नागरिकांकडून मिळणाऱ्या तक्रारी, सोशल मीडियावरील माहिती तसेच गस्त घालणाऱ्या पथकांनी तपासणी करून कारवाई केली.
1) पोलीस स्टेशन भाग्यनगर परिसरात कारवाई
सिटी स्ट्रीट सेफ्टी ड्राईव्हअंतर्गत चालू पथक क्रमांक तीनने भाग्यनगर परिसरात तपासणी केली.
तेथे इसम 01 हा मद्यधुंद अवस्थेत सार्वजनिक शांतता भंग करत असल्याचे आढळल्याने त्याच्यावर कलम 110/117 म. पो. कायद्यानुसार गुन्हा नोंदविण्यात आला.
त्याचप्रमाणे परिसरातील दारूचे दुकाने, वाईन शॉप, हॉटेल्स यांची देखील तपासणी करण्यात आली.
2) पोलीस स्टेशन विमानतळ परिसरात धडक तपासणी
विमानतळ पोलीस स्टेशन हद्दीतील पथक क्रमांक एक, दोन व तीन यांनी पेट्रोलिंगदरम्यान पेट्रोलपंप क्षेत्रात 03 इसम मद्यधुंद अवस्थेत आढळले.
हे इसम सार्वजनिक शांतता भंग करत असल्याने त्यांच्यावरही कलम 110/117 म. पो. कायद्यानुसार कारवाई करण्यात आली.
यावेळी हॉटेल्स, वाईन शॉप, दारू दुकाने यांची सुद्धा तपासणी झाली.
3) पोलीस स्टेशन वजीराबाद अंतर्गत कारवाई
वजीराबाद पोलीस स्टेशनअंतर्गत मर्लेटफुट हायस्कूल परिसरात तीन इसम मद्यधुंद अवस्थेत विनातर्क गोंधळ घालत असल्याचे पथकास आढळले.
त्या तिघांवरही कलम 110/117 म. पो. कायद्यानुसार गुन्हे नोंदविण्यात आले.
परिसरातील हॉटेल्स व दारू विक्री केंद्रांवरही देखरेख ठेवून तपासणी करण्यात आली.
4) दामिनी पथकाची महिलांसाठी विशेष कारवाई
दामिनी पथकातील महिला अधिकारी व अंबलबदरांनी शिवाजीनगर, भाग्यनगर, नांदेड ग्रामीण परिसरात 13 इसम मद्यधुंद अवस्थेत महिलांना त्रास देत असल्याचे आढळले.
सर्वांवर तात्काळ गुन्हे नोंदवून पुढील कारवाई करण्यात आली.
🔔 नागरिकांना दिला इशारा
पोलिस अधीक्षक मा. अबिनाश कुमार यांनी स्पष्ट चेतावणी दिली आहे की
सार्वजनिक ठिकाणी दारू पिऊन गोंधळ घालणाऱ्यांना कोणतीही सूट नाही.
शहरातील शांततेत व्यत्यय आणणाऱ्यांवर कठोर कारवाई सुरूच राहणार असून नागरिकांनी सहकार्य करण्याचे आवाहन करण्यात आले आहे.
