नांदेड, दि. 21 नोव्हेंबर 2025 (प्रतिनिधी) माधव वाघमारे
सायबर गुन्ह्यांच्या वाढत्या प्रमाणात नांदेड सायबर पोलीस स्टेशनने पुन्हा एकदा आपल्या तत्परतेचा ठसा उमटवत मोठी कामगिरी केली आहे. ऑनलाइन फसवणुकीत गमावलेले तब्बल चार लाख रुपये अवघ्या ७२ तासांत तक्रारदाराला परत मिळवून देण्यात पोलीस विभागाला यश आले आहे.
✔️ तक्रारीचा संपूर्ण तपशील
दि. 15 नोव्हेंबर 2025 रोजी तक्रारदाराने नॅशनल सायबर क्राईम रिपोर्टिंग पोर्टल वर तक्रार (क्रमांक : 31911250218517) नोंदवली होती.
तक्रारदाराला ओळखीच्या व्यक्तीच्या वॉट्सअॅप नंबरवरून “Axis Bank Reward” नावाचे एपीके फाइल पाठविण्यात आले.
रिवॉर्ड मिळेल या आमिषाने तक्रारदाराने फाइल डाउनलोड करून त्यामध्ये दिलेल्या लिंकवर आपले क्रेडिट कार्डचे संपूर्ण तपशील भरले.
त्या माहितीचा गैरवापर करून अनोळखी व्यक्तीने तक्रारदाराच्या कार्डवरून चार लाख रुपये डेबिट केले.
✔️ तक्रारदाराची तत्काळ धाव
फसवणूक लक्षात येताच तक्रारदाराने सायबर पोलीस स्टेशन, नांदेड येथे धाव घेतली. तक्रार नोंदवून सायबर टीमने तात्काळ संबंधित बँका व पेमेंट गेटवेशी संपर्क साधला.
सायबर पोलिसांनी केलेल्या जलद कामगिरीमुळे फसवणूक झालेली संपूर्ण रक्कम केवळ ७२ तासांत तक्रारदाराला परत मिळाली.
✔️ कारवाईत सहभागी अधिकारी
ही कारवाई खालील अधिकाऱ्यांच्या मार्गदर्शनाखाली करण्यात आली—
- माननीय अबिनाश कुमार, पोलीस अधीक्षक, नांदेड
- माननीय सुरज गुरुव, अप्पर पोलीस अधीक्षक
- पोलीस निरीक्षक वसंत सप्रे
कार्यवाही करणारी टीम :
- पोलीस निरीक्षक मारुती चव्हाण
- पोलीस कॉन्स्टेबल काशिनाथ कारखेडे, दीपक राठोड
- शुभांगी जाधव, कांचन कसबे, ज्ञानेश्वर यानवाळे
पोलीस अधीक्षक अविनाश कुमार यांनी संपूर्ण टीमचे विशेष अभिनंदन केले.
🔔 नागरिकांसाठी सायबर पोलिसांचे महत्त्वाचे आवाहन
1️⃣ अनोळखी लिंकवर क्लिक करू नका.
2️⃣ अनोळखी APK फाइल डाउनलोड करू नका.
3️⃣ OTP, पासवर्ड किंवा बँक तपशील कोणालाही देऊ नका.
4️⃣ सोशल मीडियावरील जास्त नफा देणाऱ्या जाहिरातींवर विश्वास ठेवू नका.
5️⃣ आपली वैयक्तिक माहिती कोणत्याही अनोळखी प्लॅटफॉर्मवर भरू नका.
6️⃣ सोशल मीडिया अकाउंटवर टू-स्टेप व्हेरिफिकेशन सुरू ठेवा.
7️⃣ अनोळखी व्यक्तीचे व्हिडिओ कॉल उचलू नका.
8️⃣ Digital Arrest हा पूर्णपणे फसवणूक प्रकार असून त्याला बळी पडू नका.
🚨 ऑनलाइन फसवणूक झाल्यास त्वरित काय करावे?
📞 सायबर हेल्पलाईन : 1930
🌐 Website : cybercrime.gov.in
फसवणूक झाल्यानंतर तात्काळ 24 ते 72 तासांत तक्रार दाखल केल्यास पैसे परत मिळण्याची शक्यता जास्त असते. त्यामुळे त्वरित तक्रार नोंदवावी व जवळच्या सायबर पोलीस स्टेशनशी संपर्क साधावा.
