नांदेड, दि. 18 नोव्हेंबर : (प्रतिनिधी) माधव वाघमारे महाराष्ट्र राज्य शिक्षक पात्रता परीक्षा (TET)–2025 येत्या रविवार, 23 नोव्हेंबर 2025 रोजी नांदेड जिल्ह्यातील 51 परीक्षा केंद्रांवर घेण्यात येणार आहे. परीक्षेची दोन्ही सत्रे सकाळी 10.30 ते 1.00 व दुपारी 2.30 ते 5.00 या वेळेत होणार आहेत.
या पार्श्वभूमीवर भारतीय नागरिक सुरक्षा संहिता 2023 चे कलम 163 अन्वये, नांदेडचे पोलीस अधीक्षक अविनाश कुमार यांनी परीक्षा सुरळीत पार पडण्यासाठी कडक प्रतिबंधात्मक आदेश जारी केले आहेत.
🔒 परीक्षा केंद्रापासून 100 मीटर परिसरात प्रवेशबंदी
रविवार, 23 नोव्हेंबर 2025 रोजी
⏰ सकाळी 8.00 ते रात्री 8.00
या वेळेत खालील नियम लागू राहतील :
✔️ परीक्षार्थी व परीक्षा कार्यातील अधिकारी-कर्मचारी वगळता
इतर कोणालाही परीक्षा केंद्राच्या 100 मीटर परिसरात प्रवेश करण्यास मनाई
📵 इलेक्ट्रॉनिक साधनांवर बंदी
परीक्षेशी संबंध नसलेल्या व्यक्तींना खालील साहित्य जवळ बाळगण्यास अथवा वापरण्यास बंदी :
- कॅलक्युलेटर
- ट्रान्झिस्टर
- रेडिओ
- लॅपटॉप
- मोबाइल/भ्रमणध्वनी
- फॅक्स
- झेरॉक्स
- पेजर
- ध्वनिक्षेपक
- इतर कोणतेही इलेक्ट्रॉनिक/संप्रेषण साधन
☎️ सार्वजनिक टेलिफोन सुविधा बंद
निर्दिष्ट वेळेत परीक्षा केंद्राच्या 100 मीटर परिसरातील
एसटीडी, आयएसडी, सार्वजनिक टेलिफोन, फॅक्स, झेरॉक्स सेंटर, ध्वनिक्षेपक
ही सर्व साधने बंद ठेवण्याचे आदेश देण्यात आले आहेत.
नांदेड पोलिसांनी सर्व नागरिकांनी सहकार्य करावे, असे आवाहन केले आहे, ज्यामुळे परीक्षा पारदर्शक व सुरळीत होऊ शकेल.
