भोकर (जि. नांदेड) ६ ऑक्टोंबर– अलीकडील अतिवृष्टीमुळे झालेल्या पूरस्थितीत भोकर तालुक्यातील अनेक गावांमध्ये जनजीवन विस्कळीत झाले होते. या कठीण परिस्थितीत तहसीलदार विनोद गुंडवार यांनी तत्परतेने कार्य करत पूरग्रस्तांना दिलासा देण्याची मोठी कामगिरी बजावली आहे.
पूरग्रस्त भागांमध्ये तातडीने सर्वेक्षण करून मदत कार्य सुरू करण्यात आले. गावागावातून पाण्याखाली गेलेल्या घरांचे, शेतीपिकांचे पंचनामे करण्यात येऊन अहवाल जिल्हा प्रशासनाकडे पाठविण्यात आले. प्रभावित कुटुंबांना तात्पुरती निवारा केंद्रे, अन्नधान्य, पिण्याचे पाणी आणि आरोग्य सुविधा उपलब्ध करून देण्यात तहसीलदार गुंडवार यांनी विशेष लक्ष दिले.
तहसील प्रशासनाने स्थानिक ग्रामपंचायती, महसूल कर्मचारी, आरोग्य विभाग आणि पोलीस प्रशासन यांच्यात समन्वय साधून जलद गतीने मदतकार्य पार पाडले. विशेषतः वृद्ध, महिला व लहान मुलांच्या सुरक्षिततेसाठी केलेल्या उपाययोजनांमुळे लोकांनी समाधान व्यक्त केले आहे.
पूरस्थितीवर नियंत्रण मिळवून सामान्य जनजीवन सुरळीत करण्यासाठी तहसीलदार विनोद गुंडवार यांच्या पुढाकाराने राबविण्यात आलेले हे कार्य कौतुकास्पद ठरले असून, त्यांचे प्रयत्न प्रशासनातील संवेदनशीलता आणि जनसेवेचे उत्तम उदाहरण ठरत आहेत.
