नांदेड, दि. 21 नोव्हेंबर (प्रतिनिधी) माधव वाघमारे
माहूर पोलिस स्टेशन हद्दीत घडलेल्या दुहेरी हत्येप्रकरणी नांदेड स्थानीय गुन्हे शाखेने अवघ्या 12 तासांत गुन्हा उघड करून दोन आरोपींना अटक केली असून त्यांच्या ताब्यातून गुन्ह्यात वापरलेली मोटरसायकल व दोन मोबाईल फोन जप्त करण्यात आले आहेत. या जलद आणि अचूक तपासामुळे पोलिस दलाचे सर्वत्र कौतुक होत आहे.
गुन्ह्याचा थोडक्यात आढावा
दि. 20/11/2025 रोजी माहूर पोलीस स्टेशन हद्दीतील मोजे पाचोदा येथे
- अंतकलाबाई अशोक आडागळे (55)
- अनुसयाबाई साहेबराव आडागळे (50)
या दोघी महिला शेतात कापसाची वेसणी करत असताना अज्ञात व्यक्तींनी त्यांचा गळा दाबून खून केला व अंगावरील सोन्या-चांदीचे दागिने लुटून फरार झाले. या प्रकरणी गुन्हा क्र. 191/2025, कलम 103, 311, 399 भारत न्याय संहिता अन्वये गुन्हा नोंदण्यात आला.
वरिष्ठांचे मार्गदर्शन आणि जलद तपास
गुन्हा गंभीर स्वरूपाचा असल्याने वरिष्ठ अधिकाऱ्यांनी तातडीने तपासाची सूत्रे हाती घेतली.
मार्गदर्शन :
- माननीय श्री अबिनाश कुमार, पोलीस अधीक्षक नांदेड
- श्रीमती अर्चना पाटील, अप्पर पोलीस अधीक्षक भोकर
- श्री सुरज गुरव, अप्पर पोलीस अधीक्षक नांदेड
- श्री भोंडवे, उपविभागीय पोलीस अधिकारी माहूर
तसेच गुन्हा उघडकीस आणण्यासाठी
- श्री उदय खंडेराय, पोलीस निरीक्षक, स्थानीय गुन्हे शाखा नांदेड
यांना विशेष सूचना देण्यात आल्या.
घटनास्थळी पोलीस निरीक्षक चोपडे (माहूर) व जाधव (सिंदखेड पो.स्टे.) यांनी भेट देऊन तपासाची दिशा निश्चित केली.
चार विशेष टीमची कार्यवाही
आरोपी शोधाकरिता गुन्हे शाखेच्या चार टीम तात्काळ पथस्थ करण्यात आल्या
- एक टीम आदिलाबाद
- एक टीम यवतमाळ
- दोन टीम माहूर–किनवट उपविभागात
साक्षीदारांशी संपर्क, तांत्रिक विश्लेषण, मोबाईल लोकेशन व व्हिडिओ कॉलद्वारे ओळख पटविणे (पुणे येथून) अशा बहुअंगी तपासातून आरोपींचा ठावठिकाणा निश्चित केला गेला.
आरोपींची माहिती
दत्ता सुरेश लिंगलवार (38 वर्ष)
- व्यवसाय : बेकार
- रा. सदोबा सावळी, ता. अरणी, जि. यवतमाळ
गजानन गंगाराम येरजवार (41 वर्ष)
- व्यवसाय : सुतारकाम
- रा. गंगाजी नगर, कारंजी, ता. माहूर, जि. नांदेड
दोघांना सुयोग्य सापळा रचून अटक करून माहूर पोलीस स्टेशनमध्ये दाखल करण्यात आले.
तपासात सहभागी अधिकारी व कर्मचारी
- उदय खंडेराय, पोलीस निरीक्षक (स्थानीय गुन्हे शाखा)
- रवी वाहुळे, सहाय्यक पोलीस निरीक्षक
- नवनाथ तुकडे, पोलीस उपनिरीक्षक
- उपनिरीक्षक दासरे
- उपनिरीक्षक खंडेराव कारले
- दारासिंग राठोड, मोहन हक्के, ज्ञानोबा कवठेकर, देविदास चव्हाण, दिलीप कुमार चंचलवार, मोतीराम पवार, सिद्धार्थ सोनसळे, रितेश जाधव, मारुती मुंडे
- पोलीस हवालदार दीपक ओढणे
सर्वांनी अत्यंत दक्षता, तांत्रिक तपास आणि समन्वयातून गुन्हा अल्पावधीत उघडकीस आणला.
जप्त मालमत्ता
- १ मोटरसायकल
- २ मोबाईल फोन
- लुटलेले दागिने शोधण्यासाठी पुढील तपास सुरु
माहूर येथील दुहेरी हत्याकांड अवघ्या 12 तासांत उघड करून दोन आरोपींना जेरबंद करणे ही नांदेड पोलिसांची अत्यंत धाडसी आणि कौतुकास्पद कामगिरी असून यात वरिष्ठांचे मार्गदर्शन व गुन्हे शाखेच्या पथकाचे उत्कृष्ट सहकार्य लाभले.
