नांदेड – दि. 21 नोव्हेंबर (प्रतिनिधी) माधव वाघमारे : नांदेड शहरातील सार्वजनिक ठिकाणी दारू पिऊन गोंधळ घालणाऱ्यांवर आळा घालण्यासाठी पोलीस अधीक्षकांच्या मार्गदर्शनाखाली ‘सिटी स्ट्रीट सेफ्टी ड्राईव्ह’ अंतर्गत तीन पथकांकडून एकाच दिवशी मोठी कारवाई करण्यात आली. शहरातील शांतता आणि कायदा-सुव्यवस्था अबाधित ठेवण्यासाठी विविध भागांत तपासणी मोहिम राबवून संबंधितांविरुद्ध योग्य ती दंडात्मक कारवाई करण्यात आली.
🚔 1) पोलीस स्टेशन शिवाजीनगर पथकाची कारवाई
सिटी स्ट्रीट सेफ्टी ड्राईव्ह अंतर्गत कार्यरत असलेल्या तिसऱ्या क्रमांकाच्या पथकाने शिवाजीनगर परिसरातील तपासणीदरम्यान दोन इसमांना सार्वजनिक ठिकाणी दारू पिऊन शांतता भंग केल्याप्रकरणी ताब्यात घेतले.
त्यांच्यावर भारतीय दंड संहिता कलम 110/117 प्रमाणे गुन्हे नोंदवून दंडात्मक कारवाई करण्यात आली.
तसेच परिसरातील हॉटेल, दारूचे दुकाने, वाईन शॉप यांची तपासणी करण्यात आली.
🚓 2) पोलीस स्टेशन विमानतळ पथकाची तपासणी
विमानतळ पोलीस स्टेशनांतर्गत सिटी स्ट्रीट सेफ्टी पथकाने दोन व तीन क्रमांकाच्या पथकांसह पेट्रोलिंगदरम्यान नाईक चौक परिसरात दोन इसमांना सार्वजनिक शांतता भंग करीत असल्याचे निदर्शनास आल्यानंतर त्यांच्यावर देखील 110/117 कलमान्वये गुन्हे नोंदवण्यात आले.
या ठिकाणीही दुकाने, हॉटेल्स आणि वाईन शॉप यांची काटेकोर तपासणी करण्यात आली.
🛵 दामिनी पथकाची विशेष कारवाई
दामिनी पथकाने विश्रांतिगृह, गार्डन, सराफा बाजार परिसरात तपासणी करताना सहा इसमांना सार्वजनिक ठिकाणी गैरवर्तन व शांतता भंग करीत असल्याचे आढळल्याने त्यांच्याविरुद्ध 110/117 कलमानुसार कारवाई झाली.
तसेच वाहतूक शाखेच्या तपासणीमध्ये एक वाहनचालक बिनपरवाना वाहन चालविताना आढळला. त्याच्यावर ₹1,000 दंड आकारण्यात आला.
🔹 पोलीस अधीक्षकांचे आवाहन
पोलीस अधीक्षकांनी शहरातील नागरिकांना आवाहन केले की
सार्वजनिक ठिकाणी दारू पिणे, दंगा करणे किंवा शांतता भंग करणारी कोणतीही कृती सहन केली जाणार नाही.
कायद्याचे उल्लंघन करणाऱ्यांवर कठोर कारवाई करण्यात येईल.
