कनकेवाडी शिवारात जुगार अड्ड्यावर मनाठा पोलिसांची धाड ८ जुगारी ताब्यात ४ लाख ७० हजारांचा मुद्देमाल जप्त

नांदेड १४ ऑगस्ट(प्रतिनिधी) नांदेड जिल्ह्यात अवैध धंद्यांविरुद्ध पोलीस अधीक्षक मा. डॉ. नीलाभ रोहन यांच्या आदेशानुसार विशेष मोहीम राबवली जात आहे. या मोहिमेअंतर्गत मनाठा पोलीस ठाण्याच्या हद्दीतील मौजे कनकेवाडी शिवारात रेल्वे ट्रॅकजवळ सुरू असलेल्या अवैध जुगार अड्ड्यावर धाड टाकून पोलिसांनी ८ जुगाऱ्यांवर कारवाई केली आहे. या कारवाईत रोख रकमेसह मोबाईल फोन आणि दुचाकी असा एकूण ४,७०,४८० रुपयांचा मुद्देमाल जप्त करण्यात आला आहे.

गुप्त बातमीदाराच्या माहितीवरून कारवाई

दिनांक १२ ऑगस्ट २०२६ रोजी मनाठा पोलीस ठाण्याचे पथक अवैध धंद्यांवर कारवाई करण्यासाठी गस्त (पेट्रोलिंग) घालत होते. यादरम्यान गुप्त बातमीदाराकडून माहिती मिळाली की, मौजे कनकेवाडी शिवारातील रेल्वे ट्रॅकजवळ काही इसम स्वतःच्या आर्थिक फायद्यासाठी बेकायदेशीररीत्या पैशांवर हार-जीतचा ‘तिरट’ नावाचा जुगार खेळत आहेत.

प्राप्त माहितीची शहानिशा करून पोलिसांनी पंचांसमक्ष त्या ठिकाणी अचानक छापा टाकला. त्यावेळी घटनास्थळी आठ जण जुगार खेळताना रंगेहात मिळून आले.

आठ आरोपींवर गुन्हा दाखल

या कारवाईत खालील आठ जणांना पोलिसांनी ताब्यात घेतले आहे:

• शिवम वीरेंद्र जयस्वाल (वय २८ वर्ष, रा. मनाठा)
• दिलीप जटोजी लोमटे (वय ५२ वर्ष, रा. मनाठा)
• ज्ञानेश्वर बालाजी कदम (वय २५ वर्ष, रा. चुंचा)
• अमोल साहेबराव शिंदे (वय ३२ वर्ष, रा. चुंचा)
• परमेश्वर मारोतराव लोमटे (वय २८ वर्ष, रा. चुंचा)
• भानुदास नरहरी चव्हाण (वय ४२ वर्ष, रा. चुंचा)
• लक्ष्मण कैलास सूर्यवंशी (वय ३१ वर्ष, रा. चिखली)
• राजेश राजाराम फुपसे (वय ३७ वर्ष, रा. वारंगा, ता. कळमनुरी, जि. हिंगोली)

या प्रकरणी पोलीस ठाणे मनाठा येथे गु.र.नं. १३८/२०२६, कलम १२ (अ) महाराष्ट्र जुगार प्रतिबंधक कायद्यान्वये गुन्हा दाखल करण्यात आला आहे.

जप्त केलेला मुद्देमाल

पोलिसांनी जुगाराच्या ठिकाणाहून खालील साहित्य व वाहने जप्त केली आहेत:

• रोख रक्कम: ₹२०,४८०/-
• विशिष्ट कंपन्यांचे ५ मोबाईल फोन: ₹५०,०००/-
• ८ मोटारसायकली: ₹४,०००,०००/-
• एकूण जप्त मुद्देमाल: ₹४,७०,४८०/-

पोलीस पथकाची कामगिरी

सदर यशस्वी कारवाई नांदेडचे पोलीस अधीक्षक मा. डॉ. नीलाभ रोहन यांच्या मार्गदर्शनाखाली मनाठा पोलीस ठाण्याचे सपोनि/विलास चवळी, पोउपनि/सुदर्शन इंगोले, पोउपनि/पिराजी गायकवाड तसेच पोलीस अंमलदार रेणुप्रसाद भोपाळकर, अशोक दाढे, श्यामराव खनपट्टे, अतुल नागरगोजे आणि होमगार्ड अनिल राठोड, चव्हाण यांनी पार पाडली.

पोलीस प्रशासनाचे आवाहन: नांदेड जिल्हा पोलिसांकडून अवैध जुगार, मटका व इतर बेकायदेशीर प्रकारांविरुद्ध सातत्याने कठोर कारवाई केली जात आहे. नागरिकांनी अशा प्रकारच्या अवैध धंद्यांची माहिती तात्काळ पोलिसांना देऊन सहकार्य करावे, असे आवाहन पोलीस प्रशासनाकडून करण्यात आले आहे.

बातमी संकलन: प्रतिनिधी – माधव वाघमारे