नांदेड १५ ऑगस्ट (विशेष प्रतिनिधी – माधव वाघमारे) भारतीय स्वातंत्र्यदिनाचा ८० वा वर्धापन दिन आज, १५ ऑगस्ट २०२६ रोजी नांदेड वाघळा शहर महानगरपालिकेच्या मुख्य प्रशासकीय इमारतीच्या प्रांगणात अत्यंत उत्साहात व देशभक्तीपूर्ण वातावरणात साजरा करण्यात आला. या मुख्य शासकीय सोहळ्यात महापौर सौ. कविता संतोष मुळे यांच्या शुभहस्ते ध्वजारोहण संपन्न झाले. या प्रसंगी मनपा आयुक्त डॉ. महेशकुमार डोईफोडे यांची प्रमुख उपस्थिती होती.
सकाळी ठीक ८:०५ वाजता सोहळ्याची सुरुवात ‘वंदे मातरम’ या राष्ट्रगीताने झाली. ध्वजारोहण झाल्यानंतर मनपा शाळेतील विद्यार्थ्यांनी सामूहिक राष्ट्रगीत व महाराष्ट्र राज्याचे राज्यगीत सादर केले. यानंतर पोलीस दल आणि अग्निशमन दलाच्या पथकाने तिरंग्याला शिस्तबद्ध सलामी दिली.
नांदेडचा सर्वांगीण विकास हीच खरी देशसेवा : महापौर
ध्वजारोहणानंतर उपस्थितांना संबोधित करताना महापौर सौ. कविता मुळे यांनी स्वातंत्र्यलढ्यातील हुतात्म्यांना आणि क्रांतीवीर वीरांना विनम्र अभिवादन केले. त्या पुढे म्हणाल्या,
“नांदेड शहराचा सर्वांगीण विकास करणे, शहर स्वच्छ, सुंदर, हरित आणि प्रदूषणमुक्त ठेवणे हीच खऱ्या अर्थाने आपली राष्ट्रसेवा ठरेल. महापालिका प्रशासन आणि नागरिकांनी एकत्रित येऊन शहराच्या प्रगतीसाठी योगदान दिले पाहिजे.”
पारदर्शक आणि गतिमान सेवेसाठी पालिका कटिबद्ध : मनपा आयुक्त
आपल्या स्वातंत्र्यदिनाच्या संदेशात मनपा आयुक्त डॉ. महेशकुमार डोईफोडे यांनी पालिकेच्या आगामी उद्दिष्टांवर प्रकाश टाकला. ते म्हणाले,
“स्वातंत्र्यदिनाच्या या अमृतोत्तर टप्प्यावर नांदेड पालिकेची संपूर्ण यंत्रणा नागरिकांना अधिक गतीने, तत्परतेने आणि पारदर्शकपणे सेवा देण्यासाठी पूर्णपणे कटिबद्ध आहे. शहरातील प्रलंबित विकासकामांना गती देऊन प्रशासकीय कामकाज अधिक लोकभिमुख केले जाईल.”
पदाधिकारी व अधिकाऱ्यांची मोठी उपस्थिती
या सोहळ्यास शहराचे उपमहापौर दिपकसिंह रावत, स्थायी समिती सभापती विरेंद्रसिंग गाडीवाले, सभागृह नेते महेश कनकदंडे, शिक्षण, महिला व बाल कल्याण सभापती सदिच्छा सोनी पाटील, उपसभापती निरंजना लांडगे, गटनेते संदीपसिंग गाडीवाले, मसूद खान, प्रशांत इंगोले, साबेर चाऊस, माजी पदाधिकारी व विविध सन्माननीय नगरसेवक उपस्थित होते.
तसेच प्रशासनाच्या वतीने अतिरिक्त आयुक्त निलेश सुंकेवार, अतिरिक्त आयुक्त गिरीश कदम, उपायुक्त अभिजीत वायकोस, नितीन गाढवे, सहआयुक्त अजितपालसिंघ संधु, गंगाधर ईरलोड, मुख्य लेखा व वित्त अधिकारी धनराज पांडे, शहर अभियंता सुमंत पाटील, नगररचनाकार ओम लहाने, कार्यकारी अभियंता संघरत्न सोनसळे, दिलीप टाकलीकर, वैद्यकीय आरोग्य अधिकारी डॉ. हनुमंत रिट्ठे, सहाय्यक आयुक्त मो. गुलाम सादेक, क्रीडा अधिकारी रमेश चौरे, पशुवैद्यकीय अधिकारी डॉ. रईसोद्दीन, सिस्टीम मॅनेजर सदाशिव पतंगे, मुख्य उद्यान अधिक्षक डॉ. मिर्झा फरहतुल्ला बेग, शिक्षण अधिकारी प्रवीणा मांदळे, उपअभियंता प्रकाश कांबळे, सतीश ढवळे, खुशाल कदम, क्षेत्रीय अधिकारी रावण सोनसळे, राजेश जाधव, गौतम कवडे, नागनाथ पतंगे, विठ्ठल तिडके, अग्निशमन अधिकारी के. जी. दासरे, मालमत्ता व्यवस्थापक पद्माकर कावळे, जनसंपर्क अधिकारी सुमेध बनसोडे यांच्यासह महापालिकेचे अधिकारी व कर्मचारी मोठ्या संख्येने उपस्थित होते.
या कार्यक्रमाचे सूत्रसंचालन आणि उपस्थितांचे आभार प्रदर्शन मनपाच्या जनसंपर्क विभागाच्या वतीने करण्यात आले.
