नांदेड ८ ऑगस्ट प्रतिनिधी
पर्यावरण संतुलन राखण्यासाठी आणि शहरात हिरवळ वाढवण्यासाठी नांदेड वाघाळा शहर महानगरपालिका क्षेत्रीय कार्यालय क्र. २, गुरुद्वारा लंगर साहेब आणि वृक्षमित्र फाउंडेशन यांच्या संयुक्त विद्यमाने ‘हरित नांदेड अभियान – २०२६’ अंतर्गत महावृक्ष लागवड कार्यक्रमाचे आयोजन करण्यात आले आहे. लोकसहभागातून राबवण्यात येणारा हा उपक्रम शनिवार, दिनांक ८ ऑगस्ट २०२६ रोजी सकाळी ११:०० वाजता श्री हनुमानगड संस्थान येथे पार पडणार आहे.
या महावृक्ष लागवड कार्यक्रमाचे शुभहस्ते उद्घाटन महाराष्ट्राचे माजी मुख्यमंत्री तथा खासदार मा. श्री. अशोकरावजी चव्हाण आणि श्री हनुमानगड संस्थानचे मुख्य विश्वस्त महंत श्री गरुडदासजी त्यागी महाराज यांच्या प्रमुख उपस्थितीत होणार आहे.
या प्रसंगी नांदेड वाघाळा शहर महानगरपालिकेच्या महापौर मा. श्रीमती कविता संतोषराव मुळे, आयुक्त मा. डॉ. महेशकुमार डोईफोडे, उपमहापौर मा. दीपकसिंह रावत, स्थायी समिती सभापती श्री वीरेंद्रसिंग गाडीवाले, सभागृह नेता ॲड. श्री महेश कनकदंडे, शिक्षण, महिला व बालकल्याण समितीच्या सभापती श्रीमती सदिच्छा वैजु सोनी, उपसभापती श्रीमती निरंजना राजू लांडगे, अति. आयुक्त श्री गिरीश कदम, अति. आयुक्त श्री निलेश सुंकेवार, इंजि. श्री प्रशांत इंगोले (गटनेता), श्री सय्यद मुजीब स. मुख्तार (गटनेता), श्री साबेर चाऊस (गटनेता), उपायुक्त श्री गंगाधर इरलोड, नगरsevिका श्रीमती शैलजा किशोर स्वामी, नगरसेविका श्रीमती सरिता गंगाममी बिरकले, नगरसेवक श्री दयानंद वाघमारे आणि नगरसेवक श्री प्रशांत तिडके यांच्यासह अनेक प्रमुख मान्यवरांची विशेष उपस्थिती लाभणार आहे.
कार्यक्रमात विविध मान्यवर, पर्यावरणप्रेमी नागरिक व वृक्षमित्रांच्या हस्ते प्रत्यक्ष वृक्षारोपण करण्यात येणार आहे. “एक वृक्ष लावा… पर्यावरण वाचवा!” असा संदेश देत आयोजकांनी नांदेड शहर व परिसरातील नागरिकांना, पर्यावरणप्रेमींना या उपक्रमात उत्स्फूर्तपणे सहभागी होऊन स्वतःच्या हस्ते वृक्षारोपण करण्याचे आवाहन केले आहे.
वृत्त संकलन: प्रतिनिधी – माधव वाघमारे, नांदेड
