नांदेड, दि. 16 नोव्हेंबर 2025 (प्रतिनिधी) माधव वाघमारे
नांदेड शहरातील सार्वजनिक ठिकाणी दारू पिऊन शांतता भंग करणाऱ्या इसमांवर नांदेड ग्रामीण पोलिसांनी सिटी रूट सेफ्टी पथकाच्या माध्यमातून धडक मोहीम राबवून कठोर कारवाई केली. पोलिस अधीक्षक मा. श्री. अबिनाश कुमार यांच्या मार्गदर्शनाखाली 14 व 15 नोव्हेंबर रोजी शहरातील विविध सार्वजनिक ठिकाणी विशेष तपासणी करण्यात आली.
या कारवाईदरम्यान खालीलप्रमाणे प्रकरणे दाखल
1) पोलिस स्टेशन भाग्यनगर
पथक प्रमुख PSI अमरेंद्र यांच्या टीमने , राज कॉर्नर, पूर्णा रोड, छत्रपती चौक आदी भागात मोहिम राबवली. येथे 09 इसमांना दारूच्या नशेत सार्वजनिक शांतता भंग करताना आढळल्याने त्यांच्या विरोधात कलम 110/117 नुसार कारवाई. तसेच हॉटेल, वाईन शॉप, तपासणी. कली
2) पोलिस स्टेशन शिवाजीनगर
शिवाजीनगर, नवा मोंढा, केंब्रिज विद्यालय परिसर येथे 04 इसमांवर कारवाई. तपासणीदरम्यान दारू दुकानं, वाईन शॉप, हॉटेल तपासले.
3) पोलिस स्टेशन वजिराबाद
दर्यापूर बायपास येथे 01 इसम सार्वजनिक शांतता भंग करताना सापडला. कलम 110/117 नुसार गुन्हा दाखल. परिसरातील हॉटेल, दारू दुकानांची तपासणी.
4) पोलिस स्टेशन विमानतळ :
विमानतळ रोड, माला पेट्रोलपंप परिसरात 02 इसम आढळले. त्यांच्यावरही संबंधित कलमानुसार कारवाई. परिसरातील दुकाने व हॉटेल्सची तपासणी सुद्धा करण्यात आली.
5) दामिनी पथक
पथक अधिकारी व कर्मचाऱ्यांनी पेट्रोलिंगदरम्यान विसावा गार्डनजवळ 04 इसमांना दारूच्या नशेत सार्वजनिक शांतता भंग करताना पकडले. शिवाजीनगर पोलिस ठाण्यात गुन्हा नोंद.
पोलिस अधीक्षकांचा जनतेला इशारा
नांदेड पोलिसांनी स्पष्ट केले आहे की सार्वजनिक ठिकाणी दारू पिऊन गैरवर्तन करणाऱ्यांवर कडक कारवाई सुरुच राहणार आहे. अशा प्रकारांच्या तक्रारीसाठी नागरिकांनी पोलिसांना त्वरित कळवावे, असे आवाहन करण्यात आले आहे.
