नांदेड: (प्रतिनिधी – माधव वाघमारे)
नांदेड जिल्हाभर अवैध व्यवसायांचे समूळ उच्चाटन करण्याच्या उद्देशाने पोलीस अधीक्षक मा. डॉ. नीलाभ रोहन यांच्या आदेशानुसार दिनांक १३ नोव्हेंबर २०२६ रोजी एक व्यापक विशेष ‘मास रेड’ मोहीम राबवण्यात आली.
या विशेष मोहिमेमध्ये जिल्ह्यातील सर्व पोलीस ठाण्यांनी समन्वयाने एकाच दिवशी शहरी व ग्रामीण भागातील संशयित ठिकाणांवर धाडसत्र राबवून दारूबंदी, मटका तसेच इतर बेकायदेशीर व्यवसायांवर प्रभावी कारवाई केली आहे. या धडक मोहिमेमुळे जिल्ह्यातील अवैध धंद्यांना मोठा आळा बसला आहे.
कारवाईचा गोषवारा व जप्त मुद्देमाल
- मोहिमेत एकूण ४१ गुन्हे दाखल करण्यात आले असून ४१ आरोपींविरुद्ध कायदेशीर कारवाई करण्यात आली आहे.
- कारवाईदरम्यान विविध प्रकारचा एकूण १,१३,६७०/- रुपये किमतीचा मुद्देमाल जप्त करण्यात आला आहे.
शीर्षकदाखल गुन्हेआरोपीजप्त मुद्देमाल दारूबंदी कारवाई४१४१₹ १,१३,६७०/-
पोलिसांचे नागरिकांना आवाहन
ही यशस्वी कारवाई पोलीस अधीक्षक मा. डॉ. नीलाभ रोहन यांच्या आदेशाने, अपर पोलीस अधीक्षक व सर्व उप विभागीय पोलीस अधिकारी यांच्या मार्गदर्शनाखाली सर्व ठाणे प्रभारी अधिकारी, दुय्यम अधिकारी आणि येथील पोलीस अंमलदार यांनी सहभाग नोंदवून पार पाडली आहे.
जिल्हा पोलीस नागरिकांच्या सुरक्षिततेसाठी व कायदा-सुव्यवस्था अबाधित ठेवण्यासाठी अशा विशेष मोहिमा यापुढेही सातत्याने राबवणार आहेत. तसेच अवैध व्यवसायांसबाबतीत माहिती नागरिकांनी निर्भयपणे स्थानिक पोलीस ठाण्यास किंवा डायल ११२ वर देऊन पोलिसांना सहकार्य करावे, असे आवाहन पोलीस अधीक्षक कार्यालयामार्फत जनसंपर्क अधिकारी आशिष सिताराम बोराटे यांनी केले आहे.
