नांदेड दि. 6 नोव्हेंबर :- (प्रतिनिधी) माधव वाघमारे नांदेड ग्रामीण पोलीस स्टेशनच्या गुन्हे शोध पथकाने मध्यरात्री मोठी कारवाई करत कुसुमताई शाळेजवळ कर्कश आवाज करत मोटरसायकलवर स्टंट करणाऱ्या दोन जणांना ताब्यात घेतले. यात दोन वयस्क आरोपींसह दोन विधी संघर्ष बालकांचा समावेश आहे. या कारवाईत दोन रॉयल एनफिल्ड बुलेट व एक पल्सर मोटरसायकल असा एकूण तीन वाहनांचा मुद्देमाल ताब्यात घेण्यात आला आहे.
गुन्ह्याबाबत माहिती :
गुन्हा क्र. 1057/2025, कलम 281 भा.दं.वि. प्रमाणे मध्यरात्री 03:33 वा. कुसुमताई शाळेजवळ मोटरसायकलचे सायलेन्सर काढून फटाक्यांसारखा आवाज करत शांतता भंग केल्याची गोपनीय माहिती पोलिसांना मिळाली. याबाबतचा व्हिडिओही पथकाकडे प्राप्त झाला होता.
आरोपींची नावे
- आकाश रमेश शितळे, वय 20, रा. विजयनगर सिडको, नांदेड
- अमित रमेश अभंग, वय 22, रा. संभाजी चौक सिडको, नांदेड
तसेच दोन विधी संघर्ष बालकांवरही स्वतंत्रपणे कारवाई करण्यात आली आहे.
जप्त वाहनं
- MH 26 BG 6174 (रॉयल एनफिल्ड बुलेट)
- MH 26 5509 (रॉयल एनफिल्ड बुलेट)
- MH 02 DY 3584 (बजाज पल्सर)
कारवाईचे नेतृत्व
ही कारवाई माननीय पोलीस अधीक्षक नांदेड श्री अबिनाश कुमार यांच्या “FLASH OUT” ऑपरेशनच्या सूचनांनुसार करण्यात आली. विशेषतः मोटरसायकलचे सायलेन्सर काढून कर्कश आवाज करत नागरिकांना त्रास देणाऱ्यांवर कठोर कारवाई करण्याचे आदेश सर्व पोलिसांना देण्यात आले आहेत.
या निर्देशांच्या पार्श्वभूमीवर –
माननीय श्री. ओमकांत चिंचोलकर, पोलीस निरीक्षक नांदेड ग्रामीण यांच्या मार्गदर्शनाखाली
गुन्हा उघड करणारे अधिकारी
- पोउनि. ज्ञानेश्वर मठवाड
- पोहेकॉ वसंत केंद्रे
- पोहेकॉ संतोष पवार
- पोहक मरुती पंचलिंग
सर्व गुन्हे शोध पथक, नांदेड ग्रामीण
पोलीस पथकाने मिळालेल्या माहितीनुसार तात्काळ रात्रौच छापा टाकून आरोपींना स्पॉटवरून ताब्यात घेतले व पुढील कायदेशीर कारवाई सुरु आहे.
नांदेड ग्रामीण पोलिसांनी पुन्हा एकदा दाखवून दिले की कायदा मोडणाऱ्यांना कुठेही वाचता येणार नाही. “FLASH OUT” ऑपरेशन जोरात सुरू असून अशा स्टंटबाज युवकांसाठी हा धडा ठरणार आहे.
