हदगाव, दि. 4 डिसेंबर 2025 (प्रतिनिधी) माधव वाघमारे
नांदेड पोलिसांनी मिशन निर्भय्या अंतर्गत अवैध वेश्या व्यवसायावर मोठी धडक कारवाई करत हदगाव शहरात दहा आरोपींना अटक केली. तामसा टी-पॉईंट ते वाजपेयी नगर परिसरात महिलांकडून बळजबरीने वेश्या व्यवसाय करून घेत असल्याची गोपनीय माहिती मिळाल्यानंतर ही कारवाई करण्यात आली.
ही कारवाई पोलीस ठाणे हदगाव गुन्हा क्र. 417/2025 व 418/2025 अंतर्गत अनैतिक व्यापार प्रतिबंधक अधिनियम 1956 चे कलम 3, 4, 5, 7 लागू करून करण्यात आली. गुन्हा घडला वेळ : 4 डिसेंबर 2025, सायं. 7:45 वाजता.
⭐ वरिष्ठांच्या मार्गदर्शनाखाली धडक पथक तयार
ही संपूर्ण कारवाई नांदेड पोलीस अधीक्षक मान. श्री. अबिनाश कुमार
अप्पर पोलीस अधीक्षक भोकर श्रीमती अर्चना पाटील,
अप्पर पोलीस अधीक्षक नांदेड श्री. सुरेश गुरव,
उपविभागीय पोलीस अधिकारी भोकर श्री. दगडू हाके यांच्या मार्गदर्शनाखाली करण्यात आली.
कारवाईसाठी दोन पथके तयार करण्यात आली
- पोलीस निरीक्षक चंद्रशेखर कदम (अर्धापूर)
- पोलीस निरीक्षक संकेत दिघे (हदगाव)
यांच्या नेतृत्वात पोलिस स्टाफ : थेंबकेवाड, सुरेश भोसले, चव्हाण, नरवाडे, शिवभक्त भिसे, कदम, गवळी, पांचाळ (अर्धापूर) तसेच बर्गे, सुरकंटे, पांचाळ, पाईकराव, गायकवाड (हदगाव) यांनी सहभाग घेतला.
🕵️♂️ गोपनीय माहिती व बनावट ग्राहक
वरिष्ठांना मिळालेल्या गोपनीय माहितीनुसार तामसा रोड व वाजपेयी नगर येथे काही इसम महिला व तरुणींना बळजबरीने वेश्या व्यवसायास लावत असल्याचे कळाले.
त्यानुसार पथकाने बनावट ग्राहक पाठवून 500 रुपये देऊन खात्री केली असता, ठिकाणी महिलांसोबत ग्राहक रूममध्ये आढळून आले. तसेच वेश्या व्यवसायात वापरल्या जाणाऱ्या विविध वस्तू मिळाल्या.
त्यावर तातडीने छापा टाकून आरोपींना ताब्यात घेण्यात आले.
👮 अटकेत घेतलेले आरोपी (एकूण – 10)
- होट्या पत्ता चव्हाण (वय 55)
- बदलाबाई होट्या चव्हाण (वय 50)
- विजय पुजाराम काळबांडे (वय 25) – रा. वाजपेयी नगर हदगाव
- पूजा गोविंद तडकपेलीवार (वय 28) – रा. रेल्वे स्टेशन, अकोला
- कविता गणेश जाते (वय 40) – रा. अलाढा, वाशिम
- शेख अन्सार शेख उस्मान (वय 36) – रा. हिंगोली
- गोकुळ उर्फ गुंडा पत्ता चव्हाण
- संगीता राजू कांबळे – दोघे रा. वाजपेयी नगर हदगाव
- शुभम परमेश्वर पंदलवाड – रा. धानोरा, हिमायतनगर
- मारुती रामजी – रा. धानोरा, हिमायतनगर
सर्व आरोपींवर गुन्हे दाखल करून त्यांना अटक करण्यात आले आहे.
📂 पुढील तपास
या प्रकरणाचा पुढील तपास पोलीस निरीक्षक अजित कुंभार यांच्याकडे सोपविण्यात आला आहे.
🚨 मिशन निर्भय्याअंतर्गत सर्व अवैध स्पा–मसाज सेंटरवर लक्ष
माननीय श्री. अबिनाश कुमार पोलीस अधीक्षक, नांदेड यांनी सर्व पोलिसांना आदेश दिले आहेत की
- सर्व मसाज सेंटर, स्पा सेंटर, लॉज, कॉफी शॉप यांचे नियमित तपासणी मोहीम राबविण्यात येईल.
- कुठेही अवैध व्यवसाय, महिलांचे शोषण, जबरदस्तीची वेश्या व्यवसायास प्रवृत्ती आढळल्यास तात्काळ कारवाई केली जाईल.
- नागरिकांनी अशा प्रकारची गोपनीय माहिती 112 वर किंवा नजीकच्या पोलीस स्टेशनला द्यावी, असे आवाहनही करण्यात आले.
