कंधार ४ सप्टेंबर (प्रतिनिधी माधव वाघमारे)
नांदेड जिल्ह्यातील अवैध धंद्यांचे समूळ उच्चाटन करण्यासाठी जिल्हा पोलीस अधीक्षक मा. डॉ. नीलाभ रोहन यांच्या संकल्पनेतून विशेष मोहीम राबवली जात आहे. या मोहिमेअंतर्गत कंधार पोलिसांनी मोठी कारवाई करत अवैध देशी दारूची वाहतूक करणारा एक आरोपी, कार आणि दारू असा एकूण २ लाख २३ हजार ४० रुपयांचा मुद्देमाल जप्त केला आहे.
मिळालेल्या माहितीनुसार, ०२ सप्टेंबर २०२६ रोजी रात्रीच्या वेळी कंधार पोलीस ठाण्याचे प्रभारी अधिकारी यांना मौजे पेठवडज येथून अवैध देशी दारूची वाहतूक होत असल्याची गुप्त बातमी मिळाली. या बातमीच्या आधारे पोलिसांनी तात्काळ मौजे पेठवडज येथील ग्रामीण बँकेसमोर सापळा रचला. संशयित कार (क्र. MH-14-CK-6924) ची पंचांसमक्ष पाहणी केली असता, त्यात अवैध देशी दारूचा साठा आढळून आला.
२.२३ लाखांचा मुद्देमाल जप्त पोलीस कारवाईत २४,०४० रुपये किमतीच्या देशी दारूच्या २८८ बाटल्या आणि दारू वाहतुकीसाठी वापरलेली सुमारे २ लाख रुपये किमतीची कार असा एकूण २,२३,०४० रुपयांचा ऐवज जप्त करण्यात आला आहे.
या प्रकरणी आरोपी आकाश सत्यपाल पुडवाड (वय २५ वर्षे, रा. पेठवडज, ता. कंधार) याच्याविरुद्ध कंधार पोलीस ठाण्यात गु.र.नं. ३२२/२०२६, कलम ६५ (ई) महाराष्ट्र दारूबंदी अधिनियमान्वये गुन्हा नोंदवण्यात आला आहे.
वरिष्ठ अधिकाऱ्यांच्या मार्गदर्शनाखाली कारवाई ही कारवाई जिल्हा पोलीस अधीक्षक मा. डॉ. नीलाभ रोहन, अप्पर पोलीस अधीक्षक श्रीमती अर्चना पाटील (भोकर) अप्पर पोलीस अधीक्षक मा. सुरज गुरव (नांदेड) आणि उपविभागीय पोलीस अधिकारी मा. सुशील जुमडे (कंधार) यांच्या मार्गदर्शनाखाली पोलीस निरीक्षक सदाशिव भडीकर, पोलीस अंमलदार डिकळे व गणपत केंद्र यांनी यशस्वीरीत्या पार पाडली.
