नांदेड – 9 डिसेंबर (प्रतिनिधी) माधव वाघमारे शहरातील शांतता व कायदा-सुव्यवस्था अबाधित राखण्यासाठी नांदेड पोलिसांनी मोठी मोहीम राबवत सार्वजनिक ठिकाणी दारू पिऊन गल्फत करणाऱ्यांवर धडक कारवाई केली. पोलीस अधीक्षक मा.श्री. अविनाश कुमार यांच्या मार्गदर्शनाखाली सिटी रिझर्व्ह सेफ्टी ड्राईव्ह अंतर्गत ही कारवाई करण्यात आली.
08 डिसेंबर 2025 रोजी शहरातील विविध ठिकाणी पोलिस पथकांनी एकाच वेळी धाडी टाकत दारू पिऊन सार्वजनिक शांतता भंग करणाऱ्या व्यक्तींवर कठोर कारवाई केली. तसेच हॉटेल्स, वाईन शॉप्स व ढाब्यांची तपासणीही करण्यात आली.
🔸 पोलीस स्टेशन भाग्यनगर :
सिटी रिझर्व्ह सेफ्टी ड्राईव्ह अंतर्गत पथक क्रमांक 1 ने भाग्यनगर व आकांछा नगर परिसरात गस्त घालून सार्वजनिक शांतता भंग करताना आढळलेल्या व्यक्तींवर कलम 110/117 भादंवि अंतर्गत गुन्हे दाखल केले. परिसरातील हॉटेल्स, वाईन शॉप्स व ढाब्यांची तपासणीही करण्यात आली.
🔸 पोलीस स्टेशन नांदेड ग्रामीण :
पथक क्रमांक 2 ने एम.आय.डी.सी क्षेत्रात कारवाई केली. येथेही सार्वजनिक शांतता भंग करताना आढळलेल्या व्यक्तींवर कलम 110/117 भादंवि अंतर्गत कारवाई करण्यात आली. हॉटेल्स व दुकाने तपासण्यात आली.
🔸 पोलीस स्टेशन वजिराबाद :
पथक क्रमांक 1 व 2 ने वजिराबाद बसस्टँड, गुरुद्वारा परिसर, छत्रपती शिवाजी महाराज पुतळा परिसरात कारवाई केली. सार्वजनिक शांततेला बाधा आणणाऱ्यांवर कलम 110/117 नुसार गुन्हे दाखल केले. तसेच ढाबे, दुकाने, वाईन शॉप्स तपासण्यात आली.
🔸 दामिनी पथक (शहरभर विशेष मोहीम)
पेट्रोलिंगदरम्यान विसावा गार्डन येथे कारवाई करत 06 इसमांना सार्वजनिक शांतता भंग केल्याप्रकरणी गुन्हे दाखल केले. विमापूर मार्गे आणखी 03 इसमांवरही कारवाई करण्यात आली.
🔹 नागरिकांना पोलिसांची सूचना :
पोलीस अधीक्षक अबिनाश कुमार यांनी नागरिकांना आवाहन केले की
“सार्वजनिक ठिकाणी दारू पिऊन गोंधळ करणाऱ्यांवर कठोर कारवाई करण्यात येईल. शहरातील शांतता बिघडविण्याचा कुठलाही प्रयत्न सहन केला जाणार नाही.”
📌 ही मोहीम पुढील काळातही सुरू राहणार असून शहराची शांतता राखण्यासाठी पोलिसांची कडक भूमिका कायम राहणार आहे.
