प्रतिनिधी: माधव वाघमारे
नांदेड, दि. 26 फेब्रुवारी 2026: जिल्हा परिषद नांदेडच्या मुख्य कार्यकारी अधिकारी श्रीमती मेघना कावली यांनी आज तालुका व जिल्हा नांदेड येथील बोंढार (नेरली) येथील ग्रामपंचायतीला भेट देऊन मुख्यमंत्री समृद्ध पंचायत राज अभियान 2025 अंतर्गत राबविण्यात येत असलेल्या उपक्रमांची पाहणी केली. या वेळी त्यांच्यासोबत जिल्हा परिषदेचे उप मुख्य कार्यकारी अधिकारी (सा.प्र.वि.) श्री. राजकुमार मुक्कावर, गट विकास अधिकारी श्री. प्रवीण सुरडकर, सहाय्यक गट विकास अधिकारी श्री. आकाश गोकणवार तसेच विस्तार अधिकारी (पंचायत) श्री. व्हि. बी. कांबळे आणि विस्तार अधिकारी (कृषी) श्री. सतीश लकडे आदी मान्यवर उपस्थित होते.
प्रशासकीय उपक्रम व मार्गदर्शन:
भेटीदरम्यान मा. मुख्य कार्यकारी अधिकारी यांनी महात्मा गांधी राष्ट्रीय ग्रामीण रोजगार हमी योजने (म.ग्रा.रो.ह.यो.) अंतर्गत कार्यरत मजुरांचे ई-केवायसी करण्याच्या उपक्रमाची आढावा बैठक घेतली व यासंदर्भात आवश्यक मार्गदर्शन केले. तसेच गावातील जिल्हा परिषद शाळेतील विद्यार्थ्यांना शालेय साहित्याचे वाटप करण्यात आले.
शाळा व ग्रामपंचायत कामांची पाहणी:
मान्यवरांनी गावातील जि.प. शाळेतील डिजिटल वर्ग आणि ग्रामपंचायत कार्यालयातील दस्तऐवजांची (रेकॉर्ड) प्रत्यक्ष पाहणी केली. याशिवाय शाळेसाठी उपलब्ध करून देण्यात आलेले पाणी फिल्टर, सोलार पॅनल, शाळेतील परसबाग, किचन शेड तसेच गावातील लोकवर्गणीतून उभारण्यात आलेली विविध कामे पाहून त्यांनी समाधान व्यक्त केले. ग्रामपंचायतीच्या कार्यपद्धतीवर व विकासकामांवर त्यांनी समाधानाची मोहोर उमटवली.
उपस्थिती:
या कार्यक्रमास प्रामुख्याने सरपंच मारोतराव बागल, ग्रामपंचायत अधिकारी सौ. एम. आय. ऐनवार, सौ राजूबाई व्यंकटराव आरसुळे उपसरपंच श्री शिवाजी केरबा शिंदे ग्रामपंचायत सदस्य श्री नवनाथ शंकर आरसुळे सदस्य श्री कैलास पिराजी आरसुळे सदस्य सौ सुमित्राबाई चांदु आरसुळे सदस्य सौ नंदाबाई देवराव कोकरे सदस्य सौ अनिता यशवंत बैकरे सदस्य ग्रामपंचायत सदस्य, गावातील प्रतिष्ठित नागरिक, शाळेतील मुख्याध्यापक व शिक्षकवृंद, अंगणवाडी कार्यकर्त्या, रोजगार सेवक, ग्रामपंचायत कर्मचारी तसेच मोठ्या प्रमाणात विद्यार्थी व ग्रामस्थ उपस्थित होते.
