नांदेड, दि. 9 फेब्रुवारी (प्रतिनिधी : माधव वाघमारे)
नांदेड येथील कौटुंबिक न्यायालयाच्या आस्थापनेवर डाटा एन्ट्री ऑपरेटरचे एक पद भरण्यासाठी मान्यता प्राप्त कंत्राटदारांकडून मनुष्यबळ पुरविण्याबाबत फेरनिविदा मागविण्यात आली आहे. ही नियुक्ती कंत्राटी तत्त्वावर तीन वर्षांच्या कालावधीसाठी करण्यात येणार असून, संबंधित कंत्राटदारांनी निर्धारित अटी व शर्तींच्या अधीन राहून निविदा सादर कराव्यात, असे आवाहन करण्यात आले आहे.
या संदर्भात जिल्हा न्यायालय, नांदेड यांच्या अधिकृत संकेतस्थळावर फेरनिविदा सूचना व फेर जाहिर नोटीस प्रकाशित करण्यात आली असून इच्छुक व पात्र कंत्राटदारांनी ती काळजीपूर्वक पाहून अर्ज प्रक्रिया पूर्ण करावी. निविदा प्रक्रियेबाबतची सविस्तर माहिती, पात्रता निकष, आवश्यक कागदपत्रे तसेच अंतिम तारखा यांचा तपशील https://districts.ecourts.gov.in/nanded या संकेतस्थळावर उपलब्ध करून देण्यात आला आहे.
कौटुंबिक न्यायालयातील कामकाज अधिक सक्षम, जलद व प्रभावीपणे पार पाडण्यासाठी डाटा एन्ट्री ऑपरेटर पदाची भरती करण्यात येत असून या माध्यमातून न्यायालयीन नोंदी व डिजिटल कामकाज अधिक सुलभ होणार आहे. तरी सर्व संबंधित व इच्छुक कंत्राटदारांनी या फेरनिविदेची नोंद घेऊन वेळेत अर्ज सादर करावा, असे आवाहन कौटुंबिक न्यायालयाचे न्यायाधीश यांनी केले आहे.
