नांदेडमध्ये गॅस सिलिंडरचा काळाबाजार उघड श्रीनगर भागातून १० सिलिंडर जप्त एकावर गुन्हा दाखल

नांदेड | १६ मार्च प्रतिनिधी: माधव वाघमारे
घरगुती आणि व्यावसायिक गॅस सिलिंडरची अवैध साठवणूक करून त्यांची चढ्या दराने विक्री करणाऱ्यांविरुद्ध नांदेड जिल्हा प्रशासनाने कडक पाऊले उचलली आहेत. जिल्हा पुरवठा विभागाने श्रीनगर परिसरात धाड टाकून १० रिकामे गॅस सिलिंडर जप्त केले असून, याप्रकरणी एका संशयिताविरुद्ध भाग्यनगर पोलीस ठाण्यात गुन्हा दाखल करण्यात आला आहे.
गोपनीय माहितीवरून कारवाईचा सापळा
श्रीनगरमधील हनुमान मंदिर रोड परिसरात राहणारे मकसूद अहमद हे आपल्या राहत्या घरी गॅस सिलिंडरचा अवैध साठा करून तो चढ्या दराने विकत असल्याची गोपनीय माहिती प्रशासनाला मिळाली होती. या तक्रारीची गंभीर दखल घेत जिल्हाधिकारी राहुल कर्डिले यांच्या मार्गदर्शनाखाली कारवाईचे नियोजन करण्यात आले.
छापा आणि जप्तीचा तपशील
जिल्हा पुरवठा अधिकारी डॉ. जगदीश बारदेवाड व तहसीलदार संजय वारकड यांच्या नेतृत्वाखालील पथकाने १२ मार्च २०२६ रोजी संबंधित ठिकाणी अचानक धाड टाकली. या तपासणीत खालीलप्रमाणे १० रिकामे सिलिंडर मिळून आले: सिलिंडरचा प्रकार कंपनीचे नाव संख्या घरगुती वापराचे एचपी (३), भारत गॅस (२), इंडेन (२) ०७ व्यावसायिक वापराचे एचपी कंपनी ०३ एकूण जप्ती १० कायदेशीर कारवाई आणि पथक या प्रकरणात जीवनावश्यक वस्तू अधिनियम, १९५५ च्या कलम ३ व ७, तसेच ‘लिक्विफाईड पेट्रोलियम गॅस आदेश २०००’ मधील तरतुदींचे उल्लंघन झाल्याचे समोर आले आहे. याप्रकरणी निरीक्षण अधिकारी रवींद्र राठोड यांनी दिलेल्या फिर्यादीवरून भाग्यनगर पोलीस ठाण्यात गुन्हा नोंदवण्यात आला आहे. या मोहिमेत रवींद्र राठोड यांच्यासह मुंजाभाऊ लोकरे, बालाप्रसाद वल्लाकट्टी, वेदनेश्वर घावट, नवदीप जाधव आणि विश्वनाथ शिंदे यांनी महत्त्वाची भूमिका बजावली.

प्रशासनाचा इशारा:
“घरगुती गॅसचा व्यावसायिक वापर किंवा अवैध साठवणूक करून सर्वसामान्यांची लूट करणाऱ्यांची गय केली जाणार नाही. नागरिकांना अशा अवैध कृत्यांची माहिती मिळाल्यास त्यांनी तातडीने प्रशासनाशी संपर्क साधावा.”
डॉ. जगदीश बारदेवाड, जिल्हा पुरवठा अधिकारी, नांदेड.