प्रतिनिधी, माधव वाघमारे
नांदेड, दि. १७ मे २०२६
नांदेड परिक्षेत्राचे पोलीस उप महानिरीक्षक (डीआयजी) श्री. शहाजी उमाप यांच्या मार्गदर्शनाखाली संपूर्ण परिक्षेत्रात ‘अवैध व्यवसाय विरोधी विशेष मोहीम’ राबवली जात आहे. १ ते ३१ मे दरम्यान चालणाऱ्या या धडक मोहिमेच्या १५ व्या दिवशी पोलिसांनी मोठी कारवाई केली असून, कुंटूर परिसरातून लाखोंचा गुटखा जप्त केला आहे. या मोहिमेत आतापर्यंत विविध गुन्ह्यांत एकूण ६१ जणांवर कारवाई करण्यात आली असून ६५ लाख ७१ हजार रुपयांचा मुद्देमाल जप्त करण्यात आला आहे. यामुळे अवैध धंदेवाल्यांचे धाबे दणाणले आहेत.
कुंटूरमध्ये पावणेतीन लाखांचा गुटखा जप्त; १० वर्षांच्या शिक्षेची तरतूद
मिळालेल्या गोपनीय माहितीच्या आधारे, पोलीस उप महानिरीक्षकांच्या विशेष पथकाने नांदेड जिल्ह्यातील कुंटूर पोलीस ठाण्याच्या हद्दीत एका गोदामावर छापा टाकला. या कारवाईत २,४७,००९ रुपये किमतीचा बेकायदेशीर गुटखा साठवणूक केलेला आढळून आला, जो पोलिसांनी जप्त केला आहे.
महत्त्वाची बाब: या प्रकरणी आरोपींविरुद्ध नवीन ‘भारतीय न्याय संहिता’ (BNS) च्या कलम १२३ अंतर्गत गुन्हा दाखल करण्यात आला आहे. या कायद्यानुसार दोषी आढळल्यास १० वर्षांपर्यंतचा कारावास आणि मोठ्या द्रव्यदंडाची (दंडाची) शिक्षा होऊ शकते.
मटका, दारू आणि वाळू माफियांवर एकाच वेळी कारवाईचा हातोडा
या विशेष मोहिमेअंतर्गत पोलिसांनी परिक्षेत्रात चौफेर कारवाईचा बडगा उगारला आहे. एकाच दिवसात झालेल्या विविध कारवायांचा संक्षिप्त तपशील खालीलप्रमाणे:गुन्ह्याचा प्रकारदाखल गुन्हेकारवाई केलेले आरोपीजप्त मुद्देमाल (₹)मटका व जुगार०६१०४५,२७०/-अवैध दारू विक्री२४२७९०,०५०/-अवैध वाळू उपसा०२–४६,११,८०२/-शस्त्र कायदा (Arms Act)०३—-कोटपा (COTPA) व इतर०९२४–एकूण४४६१६५,७१,४२६/-या कारवाईत मटका खेळणाऱ्या व खेळविणाऱ्यांवर महाराष्ट्र जुगार कायद्यांतर्गत गुन्हे नोंदवण्यात आले आहेत. तर अवैध वाळू उपसा करणाऱ्यांवर थेट कारवाई करत तब्बल ४६ लाख रुपयांपेक्षा जास्त किमतीची वाहने आणि मुद्देमाल जप्त करण्यात आला आहे.
नागरिकांच्या ‘खबर’ हेल्पलाइनला उदंड प्रतिसाद; माहिती देण्याचे आवाहन
अवैध व्यवसायांचे समूळ उच्चाटन करण्यासाठी पोलीस उप महानिरीक्षक कार्यालयाने सुरू केलेल्या ‘खबर’ हेल्पलाइन (९१ ५० १०० १००) या उपक्रमाला नागरिकांचा प्रचंड पाठिंबा मिळत आहे. नागरिक आता थेट पोलिसांकडे तक्रारी नोंदवत आहेत.
“नागरिकांनी आपल्या परिसरातील जुगार, अवैध दारू, गुटखा विक्री किंवा वाळू उपशासारख्या अवैध कृत्यांची माहिती थेट ९१ ५० १०० १०० या क्रमांकावर फोन करून किंवा व्हॉट्सॲप (WhatsApp) मेसेजद्वारे द्यावी. माहिती देणाऱ्याचे नाव पूर्णपणे गुप्त ठेवले जाईल
श्री. शहाजी उमाप (पोलीस उप महानिरीक्षक, नांदेड परिक्षेत्र)
