नांदेड २९ जुलै प्रतिनिधी
नांदेड जिल्ह्यातील अवैध धंद्यांविरुद्ध पोलीस अधीक्षक मा. डॉ. नीलाभ रोहन यांच्या आदेशानुसार विशेष मोहीम राबवली जात आहे. या मोहिमेअंतर्गत नांदेड ग्रामीण पोलीस ठाण्याच्या पथकाने मटका व जुगार अड्ड्यांवर धडक छापे मारून २१ आरोपींना ताब्यात घेतले. त्यांच्याकडून रोख रक्कम, मोबाईल फोन, दुचाकी वाहने आणि जुगाराचे साहित्य असा एकूण ₹६,००,२००/- (सहा लाख दोनशे रुपये) किमतीचा मुद्देमाल जप्त करण्यात आला आहे.

पहिली कारवाई: हबीबिया कॉलनी, खुदबेनगर चौक

२८ जुलै २०२६ रोजी पोलीस निरीक्षक ओमकांत चिंचोलकर यांना गोपनीय बातमीदारांमार्फत माहिती मिळाली की, हबीबिया कॉलनी, खुदबेनगर चौक येथे काही इसम ‘कल्याण मटका’ व पाना-पत्त्यांवर पैसे लावून जुगार खेळत आहेत. या माहितीच्या आधारे पोलीस उपनिरीक्षक चव्हाण व त्यांच्या पथकाने पंचांसमक्ष छापा टाकला.
या कारवाईत १६ आरोपींना जुगार खेळताना ताब्यात घेण्यात आले:
१) वाजिद खान रमजान खान (वय ३४, रा. देगलूर नाका)
२) साजिद शहा मेहबूब शहा (वय ३३, रा. देगलूर नाका)
३) मो. सुलेकार मो. यूनूस (वय ४२, रा. मोबीनपुरा)
४) पिरसाब सत्तार शेख (वय ५०, रा. लोहा)
५) शेख हबीब शेख शेरा (वय ४६, रा. खुदबेनगर)
६) सय्यद मुसा सय्यद असाक (वय ४१, रा. रहमतनगर)
७) मागसुद खान इसहाक खान (वय ४७, रा. खुसरोनगर)
८) शेख मुजीब शेख खाजा (वय ३७, रा. गाडीपुरा)
९) शेख अन्सान शेख अमीन (वय ५६, रा. इक्बाल नगर)
१०) नासीर खान समशेर खान पठाण (वय ६४, रा. नुरी चौक)
११) शेख शकील शेख इस्माईल (वय ४६, रा. मदिना नगर)
१२) शेख शब्बीर शेख पाशा (वय ३५, रा. पाकिस्तानगर)
१३) मोहसीन खान रहीम खान (रा. नांदेड)
१४) अबू उर्फ जमीर (रा. नांदेड)
१५) शार्दूल उर्फ छिलटा (रा. नांदेड)
१६) मुजाहिद शेठ (रा. नांदेड)
त्यांच्याकडून ₹१३,०००/- रोख, ₹५९,०००/- किमतीचे ९ मोबाईल फोन आणि मटका-जुगाराचे साहित्य असा एकूण ₹७२,०००/- किमतीचा मुद्देमाल जप्त करण्यात आला. याप्रकरणी नांदेड ग्रामीण पोलीस ठाण्यात गु.र.नं. ९२०/२०२६, कलम १२(अ) महाराष्ट्र जुगार प्रतिबंधक कायद्यान्वये गुन्हा दाखल करण्यात आला आहे.

दुसरी कारवाई: दिक्षानगर, बळीरामपूर

२८ जुलै २०२६ रोजी रात्री ११.२५ वाजेच्या सुमारास दिक्षानगर, बळीरामपूर येथील पाण्याच्या टाकीलगतच्या मोकळ्या जागेत ‘तिरट’ नावाचा जुगार सुरु असल्याची माहिती मिळाल्यावर पोलीस उपनिरीक्षक व्यंकट कुसमे व पथकाने छापा टाकला.
येथून ५ जणांना ताब्यात घेण्यात आले:
१) तुषार विश्वंभर गजभारे (वय ३०, रा. धनेगाव)
२) चंदर पिराजी गाडे (वय ३५, रा. बळीरामपूर)
३) अमोल मधुकर आठवले (वय ३४, रा. नविन कौठा)
४) शिवाजी ज्ञानोबा दासरवाड (वय ३१, रा. बळीरामपूर)
५) राहुल हरीहरराव गवााले (वय ४६, रा. धनेगाव)
या ठिकाणाहून ₹४,२००/- रोख, ₹७९,०००/- किमतीचे ५ मोबाईल फोन आणि ₹४,४५,०००/- किमतीच्या ३ दुचाकी वाहने (होंडा शाईन, पॅशन प्रो व बुलेट) असा एकूण ₹५,२८,२००/- चा मुद्देमाल जप्त करण्यात आला. या प्रकरणी गु.र.नं. ९१९/२०२६ अन्वये गुन्हा नोंदवण्यात आला आहे.
ही महत्त्वपूर्ण कारवाई पोलीस अधीक्षक मा. डॉ. नीलाभ रोहन यांच्या मार्गदर्शनाखाली पोलीस निरीक्षक ओमकांत चिंचोलकर, पोउपनि व्यंकट कुसमे, बाबुराव चव्हाण तसेच पोलीस अंमलदार दिलीप, शेख असीफ, शिवानंद कानगुले, जेंकुट, कांबळे, बेग, जाधव, धम्मानंद कांबळे आणि देवडे यांनी पार पाडली.
जिल्ह्यात अवैध धंद्यांवर कठोर कारवाई सुरूच राहील, नागरिकांनी अशा बेकायदेशीर कृत्यांची माहिती पोलिसांना द्यावी, असे आवाहन जिल्हा पोलीस दलातर्फे करण्यात आले आहे.
विशेष बातमी प्रतिनिधी: माधव वाघमारे