प्रतिनिधी: माधव वाघमारे नांदेड १७ सप्टेंबर
मराठवाडा मुक्ती संग्राम दिनाचे औचित्य साधून आज नांदेड जिल्हाधिकारी कार्यालयाच्या परिसरात जिल्हाधिकारी राहुल कर्डिले यांच्या शुभहस्ते अत्यंत उत्साहात आणि शिस्तबद्ध वातावरणात ध्वजारोहण पार पडले. ध्वजारोहणानंतर उपस्थित सर्व अधिकारी व कर्मचाऱ्यांनी राष्ट्रध्वजाला सन्मानपूर्वक सलामी देऊन स्वातंत्र्यलढ्यातील हुतात्म्यांना अभिवादन केले.
निझामाच्या जुलमी राजवटीतून मराठवाडा मुक्त करण्यासाठी प्राणांची आहुती देणाऱ्या स्वातंत्र्यसैनिकांच्या त्यागाचे स्मरण याप्रसंगी करण्यात आले. जिल्हाधिकारी कार्यालयाच्या प्रांगणात आयोजित या मुख्य ध्वज वंदन सोहळ्यास प्रशासनातील विविध विभागांचे प्रमुख, अधिकारी व कर्मचारी मोठ्या संख्येने उपस्थित होते.
प्रशासकीय अधिकाऱ्यांची प्रमुख उपस्थिती
या दिमाखदार ध्वज वंदन कार्यक्रमास प्रशासनातील मान्यवर अधिकाऱ्यांची उपस्थिती लाभली. यामध्ये:
- किरण अंबेकर (निवासी उपजिल्हाधिकारी)
- अजय शिंदे (उपजिल्हाधिकारी – सामान्य)
- राजकुमार माने (उपजिल्हा निवडणूक अधिकारी)
- शंकर लाड (तहसीलदार)
- विपीन पाटील (तहसीलदार)
यांच्यासह जिल्हाधिकारी कार्यालयातील विविध शाखांचे सर्व अधिकारी, कर्मचारी व नागरिक मोठ्या संख्येने उपस्थित होते. ध्वजारोहणानंतर उपस्थितांनी एकमेकांना मराठवाडा मुक्ती संग्राम दिनाच्या शुभेच्छा दिल्या.
