नांदेड ३ मे प्रतिनिधी
जिल्ह्यात अवैध धंद्यांविरुद्ध सुरू असलेल्या ‘ऑपरेशन क्रॅक डाऊन’ मोहिमेअंतर्गत भाग्यनगर पोलीस ठाण्याच्या गुन्हे शोध पथकाने मोठी कारवाई केली आहे. अरुणोदय नगर भागात सुरू असलेल्या जुगाराच्या अड्ड्यावर पोलिसांनी छापा टाकून ९ जणांना ताब्यात घेतले असून, त्यांच्याकडून रोख रकमेसह एकूण ४ लाख ५२ हजार ५०० रुपयांचा मुद्देमाल जप्त करण्यात आला आहे.
नेमकी घटना काय?
पोलीस अधीक्षक अभिनव कुमार यांनी जिल्हयातील अवैध धंद्यांचे समूळ उच्चाटन करण्याचे आदेश सर्व पोलीस प्रभारी अधिकाऱ्यांना दिले आहेत. या आदेशानुसार, भाग्यनगर पोलीस ठाण्याचे गुन्हे शोध पथक पेट्रोलिंग करत असताना त्यांना गोपनीय माहिती मिळाली की, अरुणोदय नगर येथील ‘लक्ष्मण पान शॉप’च्या बाजूला काही इसम ‘आंदर-बाहेर’ नावाचा जुगार खेळत आहेत.
मिळालेल्या खात्रीशीर माहितीवरून पोलीस निरीक्षक संतोष तांबे यांच्या मार्गदर्शनाखाली पथकाने संबंधित ठिकाणी छापा टाकला. यावेळी ९ आरोपी जुगार खेळताना रंगेहाथ आढळून आले.
जप्त केलेला मुद्देमाल:
पोलिसांनी या कारवाईत खालील मुद्देमाल जप्त केला आहे:
- रोख रक्कम: २२,५०० रुपये
- मोबाईल: एकूण ७ मोबाईल संच
- वाहने: ६ मोटारसायकली
- इतर: जुगाराचे साहित्य
- एकूण किंमत: ४,५२,५०० रुपये
या आरोपींवर झाली कारवाई:
१) गौतम दौलत जोंधळे (वय २५, रा. सिद्धार्थ नगर)
२) अजिजखान इस्माईलखान पठाण (वय ३५, रा. पौर्णिमानगर)
३) राहुल गणपत मोरे (वय २५, रा. कल्याणनगर)
४) सागर उत्तमराव सूर्यवंशी (वय ३०, रा. संतोष नगर)
५) लक्ष्मण तुकाराम चिंचोले (वय ३५, रा. अरुणोदय नगर)
६) स्वप्नील प्रकाश गजभारे (वय ३२, रा. अरुणोदय नगर)
७) अतुल भाऊराव कवडे (वय ३२, रा. राहुल कॉलनी)
८) विठ्ठल गोविंद धोत्रे (वय ३८, रा. अरुणोदय नगर)
९) नंदकिशोर प्रल्हाद कदम (वय ३०, रा. पौर्णिमानगर)
यांनी केली कारवाई:
ही कारवाई पोलीस अधीक्षक अबिनाश कुमार, अप्पर पोलीस अधीक्षक अर्चना पाटील, व अप्पर पोलिस अधीक्षक सुरज गुरव, उपविभागीय पोलीस अधिकारी रामेश्वर वैंजने आणि सहायक पोलीस अधीक्षक शशांक एन. एम. यांच्या मार्गदर्शनाखाली पार पडली.
या पथकात पोलीस निरीक्षक संतोष तांबे, गुन्हे शोध पथकाचे पोउपनि विनोद देशमुख, नरेश वाडेवाले, विशाल माळवे, विष्णूकांत मुंडे, सुधाकर मरदोडे, राहुल लाटकर, नागनाथ चापके, राजीव घुले, अदनान पठाण आणि अंकुश कांबळे यांचा समावेश होता. या उल्लेखनीय कामगिरीबद्दल पोलीस अधीक्षकांनी पथकाचे कौतुक केले आहे.
बातमी प्रतिनिधी: माधव वाघमारे, नांदेड.
