नांदेड (दि. ५ नोव्हेंबर) –(प्रतिनिधी) माधव वाघमारे नांदेड शहरात सार्वजनिक ठिकाणी दारू पिऊन शांतता भंग करणाऱ्या इसमांवर नांदेड पोलिसांनी धडक कारवाई केली आहे. मा. श्री. अबिनाश कुमार, पोलीस अधीक्षक, नांदेड यांच्या आदेशानुसार आणि मा. श्री. सुरज गुरव, अप्पर पोलीस अधीक्षक यांच्या मार्गदर्शनाखाली स्थापन करण्यात आलेल्या “नांदेड सिटी स्टेट सेफ्टी ड्राइव्ह पथका” तर्फे ही कारवाई करण्यात आली.
पथक प्रमुख सपोनि श्री भागवत नागरगोजे व चार्ली क्रमांक १, २, ३ मधील पोलीस अंमलदारांनी दिनांक ४ नोव्हेंबर २०२५ रोजी शहरातील विविध भागात गस्त घालत असताना अनेक इसम सार्वजनिक ठिकाणी दारू पिताना आणि शांततेचा भंग करताना आढळून आले. संबंधितांवर महाराष्ट्र पोलीस कायदा कलम ११०, ११७ व कायदा कलम ६८ अन्वये गुन्हे नोंदविण्यात आले आहेत.
विभागनिहाय कारवाईचा तपशील
१. भाग्यनगर पोलीस स्टेशन क्षेत्रात
तरोडा नाका परिसरात दोन इसम हे दारू साहित्य, चकणा व पाणी पाऊच विक्री करत असताना मिळून आले. संबंधितांवर कलम ६८ (प्रो कायदा) अन्वये गुन्हा दाखल करण्यात आला. तसेच परिसरातील दारू दुकाने, वाईन शॉप्स आणि हॉटेल्सची तपासणी करण्यात आली.
२. वजीराबाद पोलीस स्टेशन क्षेत्रात
वजीराबाद गंगा चाळीत चार इसम हे दारूचे सेवन करून सार्वजनिक शांततेचा भंग करत असताना मिळून आले. त्यांच्यावर कलम ११०, ११७ (म.पो.का.) प्रमाणे कारवाई करण्यात आली. परिसरातील सर्व वाईन शॉप्स, दारू विक्री केंद्रांची तपासणी करण्यात आली.
३. इतवारा पोलीस स्टेशन क्षेत्रात
जुना मोंढा भागात दोन इसम हे मद्यप्राशन करून शांततेचा भंग करत असताना आढळले. त्यांच्यावर कलम ११०, ११७ म.पो.का. प्रमाणे कारवाई झाली. तसेच परिसरातील दोन इसम हे दारू व चकणा विक्री करत असताना मिळून आल्याने त्यांच्यावर कलम ६८ (प्रो कायदा) अंतर्गत गुन्हा नोंदविण्यात आला.
४. विमानतळ पोलीस स्टेशन क्षेत्रात
एम.जी.एम. कॉलेज परिसरात एक इसम हा मद्यप्राशन करून सार्वजनिक ठिकाणी शांततेचा भंग करीत असताना मिळून आल्याने त्याच्यावर कलम ११०, ११७ म.पो.का. नुसार कारवाई झाली. तसेच एक विना नंबर मोटारसायकल जप्त करून मोटार वाहन कायदा कलम ५०० अन्वये दंड आकारण्यात आला.
५. शिवाजीनगर पोलीस स्टेशन क्षेत्रात
केंब्रिज विद्यालयाजवळ दोन इसम मद्यप्राशन करून आरडाओरडा करीत असल्याने त्यांच्यावर कलम ११०, ११७ म.पो.का. नुसार कारवाई झाली. परिसरातील वाईन शॉप्स आणि हॉटेल्सची तपासणी करण्यात आली.
६. दामिनी पथकाची कारवाई :
यशवंत कॉलेज परिसरात दोन इसम हे आरडाओरडा करून सार्वजनिक शांततेचा भंग करत असताना मिळून आले. त्यांच्यावर शिवाजीनगर पोलीस स्टेशन येथे कलम ११०, ११७ म.पो.का. नुसार गुन्हा दाखल करण्यात आला.
पोलिस अधीक्षकांचे आवाहन
मा. श्री. अबिनाश कुमार, पोलीस अधीक्षक, नांदेड यांनी नागरिकांना इशारा दिला आहे की.
> “नांदेड शहरात कोणत्याही सार्वजनिक ठिकाणी दारू पिऊ नये, किंवा दारू पिण्यासाठी जागा उपलब्ध करून देऊ नये. सार्वजनिक शांततेचा भंग करणाऱ्यांवर कठोर कारवाई करण्यात येईल.”
या कारवाईत एकूण अनेक इसमांवर दंडात्मक गुन्हे दाखल, दारू विक्री केंद्रांची तपासणी, आणि विना नंबर वाहनांवर कारवाई करण्यात आली. नांदेड पोलिसांचे हे अभियान पुढील काही दिवसांपर्यंत सुरू राहणार असून शहरात शिस्त आणि सुरक्षितता प्रस्थापित करण्यासाठी ही मोहीम महत्त्वाची ठरत आहे.
