नांदेड :१५ डिसेंबर (प्रतिनिधी) माधव वाघमारे श्री शरदचंद्र पवार विधि महाविद्यालयात नुकत्याच पार पडलेल्या विधी शैक्षणिक परीक्षांचा कालावधी कोणताही अनुचित प्रकार न घडता शांततेत व सुरळीतरीत्या पार पडला. परीक्षा केंद्रावर सर्व आवश्यक सुविधा उपलब्ध करून देण्यात आल्या होत्या.
परीक्षा दरम्यान विद्यार्थ्यांची सुरक्षितता, वेळापत्रकाचे काटेकोर पालन तसेच शिस्तबद्ध वातावरण राखण्यासाठी महाविद्यालय प्रशासनाने योग्य नियोजन केले होते. परीक्षा केंद्रावर परीक्षा नियंत्रक, प्राध्यापकवर्ग व सहाय्यक कर्मचारी उपस्थित राहून परीक्षेचे कामकाज पार पाडत होते.
विद्यार्थ्यांनी वेळेवर उपस्थित राहून नियमांचे पालन केले. कुठेही गैरप्रकार आढळून न आल्याने परीक्षेची प्रक्रिया यशस्वी ठरली. परीक्षेच्या पार्श्वभूमीवर महाविद्यालय प्रशासनाच्या कार्यपद्धतीचे पालक व विद्यार्थ्यांकडून समाधान व्यक्त करण्यात आले.
या परीक्षेमुळे विद्यार्थ्यांना त्यांच्या शैक्षणिक प्रगतीसाठी महत्त्वाचा टप्पा पूर्ण करता आला असून, आगामी निकालाबाबत विद्यार्थ्यांमध्ये उत्सुकता आहे.
