नांदेड – (प्रतिनिधी) 20 नोव्हेंबर : माधव वाघमारे
नांदेड शहरात सार्वजनिक ठिकाणी दारू पिऊन शांतता भंग करणाऱ्या तसेच गुन्हे करण्याच्या उद्देशाने फिरणाऱ्या संशयितांविरुद्ध सिटी स्टेट सेफ्टी पथकाने दोन दिवसांत मोठी मोहीम राबवून परिणामकारक कारवाई केली आहे. ही कारवाई मा श्री पोलीस अधीक्षक श्री. अबिनाश कुमार यांच्या मार्गदर्शनाखाली, तसेच अप्पर पोलीस अधीक्षक माननीय श्री सुरज गुरव यांच्या सूचनेनुसार करण्यात आली.
पथक प्रमुख श्री. भागवत नागरगोजे व चार्ली पथकातील पोलीस अंमलदार यांनी दि. 18 व 19 नोव्हेंबर 2025 या दोन दिवसांत विविध ठिकाणी ही मोहीम राबवली.
🔹 शिवाजीनगर पोलीस ठाणे हद्द : दोन कारवाई
1️⃣ केंब्रिज विद्यालय परिसरातून एक इसम ताब्यात
सार्वजनिक ठिकाणी दारूचे सेवन करून शांतता भंग केल्याप्रकरणी त्याच्यावर
➡ कलम 110 व 117, मुंबई पोलीस अधिनियमनुसार कारवाई करण्यात आली.
2️⃣ अण्णाभाऊ साठे चौकात लोखंडी खंजरसह एक युवक अटक
या युवकावर
➡ कलम 4/25 भारतीय शस्त्रास्त्र कायदा नुसार गुन्हा दाखल.
तसेच हद्दीतील दारूची दुकाने, वाईन शॉप व हॉटेलची तपासणी.
🔹 भाग्यनगर पोलीस ठाणे हद्द : चार जणांवर कारवाई
पेट्रोलिंग दरम्यान जय भवानी चौकात चार संशयित अंधारात दबा धरून बसलेले आढळले.
➡ महाराष्ट्र पोलीस अधिनियम कलम 122 नुसार कारवाई.
हद्दीतील सर्व वाईन शॉप, दारूचे दुकाने व हॉटेल्सची तपासणी करण्यात आली.
🔹 नांदेड ग्रामीण पोलीस ठाणे हद्द : चार इसमांवर कारवाई
ढवळेकर नगर येथील रुबी वाईन मार्ट परिसरात दारू पिऊन सार्वजनिक शांतता भंग करणारे 4 इसम ताब्यात.
➡ कलम 110 व 117, मुंबई पोलीस अधिनियमनुसार कारवाई.
🔹 इतवारा पोलीस ठाणे हद्द : सार्वजनिक शांतता भंग प्रकरण
जुना मुंडा परिसरात दोन इसम दारू सेवन करून वाद घालत असल्यामुळे
➡ कलम 113, मुंबई पोलीस अधिनियमनुसार कारवाई.
🔹 दामिनी पथकाची कारवाई
दामिनी पथकाने विसावा गार्डन, जुना मुंडा सिडको येथे सार्वजनिक शांतता भंग करणाऱ्या इसमांवर
➡ कलम 110 व 117, मुंबई पोलीस अधिनियमनुसार कारवाई केली.
📌 पोलीस अधीक्षकांचे आवाहन
माननीय श्री. अबिनाश कुमार, पोलीस अधीक्षक नांदेड यांनी इशारा दिला आहे की—
🔸 “नांदेड शहरातील कोणत्याही सार्वजनिक ठिकाणी दारू पिण्यास परवानगी नाही.”
🔸 “दारू पिण्यासाठी जागा उपलब्ध करून देणाऱ्यांवरही कठोर कारवाई करण्यात येईल.”
🔸 “सार्वजनिक शांतता भंग केल्यास कोणालाही सुट दिली जाणार नाही.”
संपूर्ण कारवाईत पथकांची प्रभावी भूमिका
या मोहिमेत चार्ली पथकांचे अंमलदार, पथक प्रमुख नागरगोजे, दामिनी पथकाचे अधिकारी व विविध पोलीस ठाण्यांचा सक्रिय सहभाग होता.
संपूर्ण कारवाईमुळे शहरातील सार्वजनिक शिस्त व शांतता राखण्यास मोठा हातभार लागला आहे.
