मतदारसंघांतील सार्वजनिक सुट्टी रद्द

2 नोव्हेंबर प्रतिनिधी माधव वाघमारे

नगरपरिषद व नगरपंचायतींच्या सार्वत्रिक निवडणुकांसाठी 2 डिसेंबर 2025 रोजी राज्यात मतदान होत आहे. यासाठी शासनाकडून पूर्वी जाहीर केलेली सार्वजनिक सुट्टी ठेवण्यात आली होती; मात्र काही मतदारसंघांमध्ये न्यायालयीन अपील दाखल झाल्याने त्या भागातील मतदान प्रक्रिया स्थगित होण्याची शक्यता निर्माण झाली आहे. त्यामुळे फक्त संबंधित मतदारसंघापुरती सार्वजनिक सुट्टी रद्द करण्यात आली असल्याची माहिती सामान्य प्रशासन विभागाने दिली.

राज्यातील 16 जिल्ह्यांमधील काही नगरपरिषद/नगरपंचायत क्षेत्रांमध्ये 2 डिसेंबर रोजीची सार्वजनिक सुट्टी लागू राहणार नाही. यात खालील मतदारसंघांचा समावेश आहे—

🔹 ठाणे जिल्हा : अंबरनाथ
🔹 अहिल्यानगर जिल्हा : कोपरगाव, देवळाली प्रवरा, पाथर्डी, नेवासा
🔹 पुणे जिल्हा : बारामती, फुरसुंगी–उरुळी देवाची
🔹 सोलापूर जिल्हा : अंगार, मंगळवेढा
🔹 सातारा जिल्हा : महाबळेश्वर, फलटण
🔹 छत्रपती संभाजीनगर : फुलंब्री
🔹 नांदेड : मुखेड, धर्माबाद
🔹 लातूर : निलंगा, रेणापूर
🔹 हिंगोली : वसमत
🔹 अमरावती : अंजनगाव सूर्जी
🔹 अकोला : बाळापूर
🔹 यवतमाळ : यवतमाळ
🔹 वाशिम : वाशिम
🔹 बुलढाणा : देऊळगावराजा
🔹 वर्धा : देवळी
🔹 चंद्रपूर : घुग्गुस

सदर मतदारसंघांमध्ये न्यायालयीन प्रक्रियेमुळे निवडणूक दिनांकात तात्पुरते बदल होऊ शकतात. त्यामुळेच 2 डिसेंबरची सुट्टी रद्द करून नियमित कामकाज करण्याचे निर्देश देण्यात आले आहेत.

इतर सर्व मतदारसंघांत मात्र मतदान सुरळीत पार पडण्यासाठी जाहीर केलेली सार्वजनिक सुट्टी यथावत लागू राहणार आहे, असेही शासनाने स्पष्ट केले आहे.