नांदेड : २८ जानेवारी (प्रतिनिधी) माधव वाघमारे
राष्ट्रीय पुरोगामी पत्रकार संघ भारत (मुंबई) पत्रकार संघाच्या वतीने नांदेड जिल्हाध्यक्षपदी दीपक मठपती यांची अधिकृत निवड करण्यात आली आहे. संघाचे संस्थापक श्री. विजयजी सूर्यवंशी, राष्ट्रीय कार्याध्यक्ष बाळासाहेब आडागळे, महासचिव विनोद पवार, राष्ट्रीय प्रमुख सल्लागार, राष्ट्रीय उपाध्यक्ष बागुल सर, राज्य कार्याध्यक्ष शंकरसिंग ठाकूर, राज्य उपाध्यक्ष विनायक माळी, माजी मराठवाडा अध्यक्ष श्री मारोती शिकारे, राज्य सचिव प्रीतमसिंग यांच्या मार्गदर्शनाखाली ही निवड जाहीर करण्यात आली.
दीपक मठपती हे एम.एस.डब्ल्यू. (MSW) व पत्रकारितेची पदवी प्राप्त उच्चशिक्षित पत्रकार असून त्यांना पत्रकारितेचा प्रदीर्घ अनुभव आहे. निर्भीड, प्रामाणिक आणि जनतेच्या प्रश्नांना वाचा फोडणारे पत्रकार म्हणून त्यांची नांदेड जिल्ह्यात ओळख आहे. सामान्य नागरिकांच्या समस्या लेखणीद्वारे प्रशासनापर्यंत पोहोचवून त्या मार्गी लावण्यासाठी ते सातत्याने प्रयत्नशील असतात.
पत्रकारितेबरोबरच सामाजिक कार्यातही मठपती यांचा सक्रिय सहभाग आहे. वृक्षारोपण, जनजागृती उपक्रम, पर्यावरण संवर्धन यासह त्यांनी दहा वेळा रक्तदान करून अनेकांचे प्राण वाचवण्याचे कार्य केले आहे. त्यांच्या या उल्लेखनीय सामाजिक कार्याची दखल घेऊन मा. खासदार प्रा. रविंद्र चव्हाण यांनी त्यांचा सन्मान करून कौतुक केले आहे.
दीपक मठपती यांनी माहिती अधिकार समितीचे उपाध्यक्ष, जिल्हा प्रसिद्धी प्रमुख, तसेच वाइस ऑफ प्रसिद्धी प्रमुख, नांदेड या पदांवर कार्य करत सामाजिक बांधिलकी जपली आहे. पत्रकारितेतील योगदानाबद्दल त्यांना उत्कृष्ट पत्रकारिता पुरस्कार तसेच राज्यस्तरीय पुरस्कार प्राप्त झाले आहेत.
ते विविध दैनिकांमध्ये कार्यरत राहिले असून पुण्यश्लोक, उदयाचा मराठवाडा, युवाराज्य, आनंद नगरी, समाजसाधना, महान पोलीस टाईम्स, नमस्कार महाराष्ट्र, शिववार्ता आदी माध्यमांतून त्यांनी प्रभावी पत्रकारिता केली आहे. सध्या ते उपसंपादक पदावर कार्यरत आहेत.
कोरोना काळात ऑक्सिजनचे महत्त्व ओळखून त्यांनी अपारंपरिक गड येथे वृक्षारोपणासह पर्यावरण संवर्धनाचे उपक्रम राबवले. त्यांच्या या सातत्यपूर्ण कार्याची राष्ट्रीय पत्रकारिता दखल मीडिया कडून वेळोवेळी दखल घेण्यात आली आहे.
वरील सर्व सामाजिक व पत्रकारितेतील उल्लेखनीय कार्याची दखल घेत राष्ट्रीय पुरोगामी पत्रकार संघ भारत यांनी दीपक मठपती यांची नांदेड जिल्हाध्यक्षपदी निवड केली असून त्यांच्या निवडीबद्दल सर्व स्तरांतून अभिनंदनाचा वर्षाव होत आहे.
