नांदेड| २८ जानेवारी प्रतिनिधी माधव वाघमारे
उपमुख्यमंत्री अजित पवार यांच्या संदर्भात सोशल मीडियावर पसरत असलेल्या अपघाताच्या अफवांनंतर, संबंधित विमान आणि त्याच्या ऑपरेटरबाबत अनेक गंभीर प्रश्न उपस्थित होत आहेत. अफवांमध्ये उल्लेख करण्यात आलेले LEARJET 45XR हे विमान यापूर्वीही वादात सापडले होते, अशी माहिती समोर येत आहे.
मिळालेल्या माहितीनुसार, सप्टेंबर 2023 मध्ये मुंबई विमानतळावर या LEARJET 45XR विमानाचा गंभीर अपघात झाला होता. त्या घटनेत तीन जण जखमी झाले होते. या अपघातानंतर विमानाच्या तांत्रिक स्थितीवर प्रश्नचिन्ह उपस्थित झाले होते.
तज्ज्ञांच्या मते, इतक्या गंभीर अपघातानंतर संबंधित विमानाला पुन्हा उड्डाणाची परवानगी देताना नागरी विमान वाहतूक महासंचालनालय (DGCA) कडून सखोल तपासणी अपेक्षित होती. मात्र,
“अशा परिस्थितीत हे विमान पुन्हा सेवेत कसे आले? परवानगी कोणी दिली?”
असे प्रश्न आता उपस्थित होत आहेत.
या विमानाचा ऑपरेटर म्हणून VSR Ventures या कंपनीचे नाव समोर येत आहे. आरोपानुसार, ही कंपनी जुनी व तांत्रिकदृष्ट्या संशयास्पद विमाने VVIP ड्युटीसाठी वापरत असल्याचे सांगितले जात आहे. कंपनीचे कार्यालय दिल्लीतील महिपालपूर भागात असल्याची माहिती आहे.
दरम्यान, या प्रकरणी संपर्क साधण्याचा प्रयत्न केला असता कंपनीचे मालक म्हणून उल्लेख असलेले कॅप्टन रोहित सिंग तसेच कार्यालयातील कोणताही प्रतिनिधी फोनवर उपलब्ध झाला नसल्याचा दावा करण्यात येत आहे.
या संपूर्ण पार्श्वभूमीवर,
अजित पवार यांच्या सुरक्षिततेबाबत पसरलेल्या अफवा असोत वा नसो, संबंधित विमान, ऑपरेटर आणि DGCA यांची स्वतंत्र व पारदर्शक चौकशी व्हावी, अशी जोरदार मागणी होत आहे.
लोकशाहीत अफवांना नव्हे तर तथ्यांना आणि चौकशीला महत्त्व असते, त्यामुळे केंद्र सरकार व DGCA यांनी या प्रकरणावर स्पष्ट भूमिका मांडावी, अशी अपेक्षा व्यक्त केली जात आहे.
