नांदेड ७ जानेवारी प्रतिनिधी माधव वाघमारे
नांदेड–वाघाळा शहर महानगरपालिकेच्या सार्वत्रिक निवडणूक २०२६ च्या पार्श्वभूमीवर प्रभाग क्रमांक ५ मध्ये राष्ट्रवादी काँग्रेस पार्टी (अजित पवार गट) यांनी दमदार उमेदवारांची पॅनल जाहीर केली असून प्रचाराला वेग आला आहे. “जनतेच्या हक्कांसाठी, जनसेवेचा नवा अध्याय” या ब्रीदवाक्याने मतदारांमध्ये उत्साहाचे वातावरण निर्माण झाले आहे.
प्रभाग क्रमांक ५ मधून राष्ट्रवादी काँग्रेस (अजित पवार गट) यांच्या वतीने विविध समाजघटकांचे प्रतिनिधित्व करणारे उमेदवार निवडणूक रिंगणात उतरले आहेत. अनुभवी नेतृत्व, स्थानिक प्रश्नांची जाण आणि विकासाभिमुख दृष्टीकोन असलेले उमेदवार ही या पॅनलची ओळख आहे. पाणीपुरवठा, रस्ते, स्वच्छता, आरोग्य, शिक्षण, महिला व युवक सक्षमीकरण यांसह मूलभूत नागरी सुविधा सक्षमपणे राबवण्याचा निर्धार उमेदवारांनी व्यक्त केला आहे.
प्रचारादरम्यान उमेदवारांकडून घरोघरी संपर्क, बैठका, नागरिक संवाद, महिला–युवा मेळावे यांद्वारे विकासाचा आराखडा मांडण्यात येत आहे. “प्रभागाचा सर्वांगीण विकास, पारदर्शक कारभार आणि सर्वसामान्यांच्या समस्या प्राधान्याने सोडवणे” हा पक्षाचा स्पष्ट अजेंडा असल्याचे कार्यकर्त्यांनी सांगितले.
मतदान गुरुवार, दि. १५ जानेवारी २०२६ रोजी सकाळी ७.३० ते सायंकाळी ५.३० या वेळेत होणार असून, राष्ट्रवादी काँग्रेस (अजित पवार गट) यांच्या घड्याळ या निवडणूक चिन्हासमोरील बटन दाबून उमेदवारांना बहुमताने विजयी करण्याचे आवाहन करण्यात येत आहे.
प्रभाग क्रमांक ५ मध्ये विकासाची नवी दिशा देण्यासाठी नागरिकांनी मोठ्या संख्येने मतदान करून राष्ट्रवादी काँग्रेस (अजित पवार गट) च्या उमेदवारांना विजयी करण्याचा निर्धार व्यक्त केला आहे.
