प्रतिनिधी, माधव वाघमारे
नांदेड, दि. 26 फेब्रुवारी: प्रवाशांच्या वाढत्या संख्येमुळे रेल्वे प्रशासनाकडून मोठा निर्णय घेण्यात आला आहे. गाडी क्र. 20809/20810 संबलपुर – हजूर साहिब नांदेड – संबलपुर या गाडीमध्ये तात्पुरत्या स्वरुपात अतिरिक्त डबे वाढविण्याचा निर्णय घेण्यात आला आहे. यामुळे प्रलंबित (वेटिंग) यादीतील प्रवाशांना मोठा दिलासा मिळणार आहे.
सध्या या गाडीत एकूण 20 डबे आहेत. नवीन बदलानुसार आता या गाडीत तब्बल 23 डबे असतील. विशेष म्हणजे, प्रवाशांची पसंती लक्षात घेता तृतीय श्रेणी वातानुकुलीत (थर्ड एसी) आणि द्वितीय श्रेणी शय्या (स्लीपर) या डब्यांच्या संख्येत वाढ करण्यात आली आहे.
नवीन रचना कशी?
बदलीनंतर गाडीची रचना पुढीलप्रमाणे असेल:
· द्वितीय श्रेणी वातानुकुलीत (2nd AC) – 1
· तृतीय श्रेणी वातानुकुलीत (3rd AC) – 5 (आधी 3 होते)
· द्वितीय श्रेणी शय्या (स्लीपर) – 10 (आधी 9 होते)
· जनरल डबे – 4
· रसोई यान (पॅन्ट्री कार) – 1
· एस.एल.आर. (गार्डचा डबा) – 2
हा बदल कधीपासून?
हा तात्पुरता बदल पुढीलप्रमाणे लागू करण्यात येईल:
· संबलपुरहून: दिनांक 1 मार्च 2026 ते 23 मार्च 2026 या कालावधीसाठी.
· हु. सा. नांदेडहून: दिनांक 2 मार्च 2026 ते 24 मार्च 2026 या कालावधीसाठी.
रेल्वे प्रशासनाने ही माहिती देताच प्रवाशांमध्ये समाधान व्यक्त केले जात आहे. या निर्णयामुळे प्रवाशांची गर्दी कमी होण्यास मदत होणार असून प्रवास अधिक सुखकर होईल
