मध्यपूर्व तणावादरम्यान भारतीय नागरिकांसाठी महाराष्ट्र शासनाचा ‘सतर्कता इशारा ११ देशांतील हेल्पलाइन जारी

प्रतिनिधी, माधव

मुंबई नांदेड १ मार्च मध्यपूर्व व परिसरातील वाढत्या प्रादेशिक तणावामुळे तेथे वास्तव्यास असलेल्या भारतीय नागरिकांच्या सुरक्षेच्या दृष्टीने महाराष्ट्र शासनाने मोठी खबरदारी घेतली आहे. केंद्र सरकारच्या संबंधित दूतावासांनी जारी केलेल्या सुरक्षा सल्ल्यानंतर राज्य शासनाने आपल्या नागरिकांसाठी ‘सतर्क राहा’ असे आवाहन जारी केले आहे.

पश्चिम आशियातील तणावपूर्ण परिस्थितीच्या पार्श्वभूमीवर, पॅलेस्टाईन (रामल्ला), कतार (दोहा), सौदी अरेबिया (रियाध), इस्रायल (तेल अवीव), इराण (तेहरान), इराक (बगदाद), कुवैत, बाहरीन, मस्कत (ओमान), जॉर्डन आणि संयुक्त अरब अमिरात (अबू धाबी) येथील सर्व भारतीयांनी तातडीने सतर्कता बाळगावी, असे आवाहन करण्यात आले आहे. या सर्व देशांमध्ये वेगवेगळ्या स्वरूपाची राजकीय आणि लष्करी हालचाली सुरू असून नागरिकांनी अनावश्यक प्रवास टाळण्याचा सल्ला देण्यात आला आहे.

स्थानिक प्रशासन आणि दूतावासांच्या सूचनांचे पालन करा
महाराष्ट्र शासनाच्या वतीने करण्यात आलेल्या आवाहनात म्हटले आहे की, स्थानिक प्रशासन तसेच त्या-त्या देशातील भारतीय दूतावासांनी वेळोवेळी दिलेल्या सूचनांचे काटेकोरपणे पालन करावे. कोणतीही आपत्कालीन परिस्थिती निर्माण झाल्यास शांतता व संयम राखून त्वरित भारतीय दूतावासांशी संपर्क साधावा.

राज्य शासन केंद्र शासन आणि संबंधित देशांतील आपल्या राजनैतिक यंत्रणेशी सातत्याने समन्वय ठेवून परिस्थितीवर लक्ष ठेवून आहे, असेही या वृत्तात नमूद करण्यात आले आहे.

आपत्कालीन परिस्थितीसाठी हेल्पलाइन क्रमांक जारी
तातडीच्या मदतीसाठी संबंधित देशांतील भारतीय दूतावासांचे २४x७ हेल्पलाइन क्रमांक खालीलप्रमाणे जारी करण्यात आले आहेत.

· रामल्लाह (पॅलेस्टाईन): +970592916418, ईमेल: repoffice@mea.gov.in / cons.ramallah@mea.gov.in
· दोहा (कतार): 00974-55647502, ईमेल: cons.doha@mea.gov.in
· रियाध (सौदी अरेबिया): 00-966-11-4884697, WhatsApp: 00-966-542126748, टोल फ्री: 800 247 1234, ईमेल: cw.riyadh@mea.gov.in
· तेल अवीव (इस्रायल): +972-54-7520711 / +972-54-2428378, ईमेल: cons1.telaviv@mea.gov.in
· तेहरान (इराण): +989128109115 / +989128109109 / +989128109102 / +989932179359
· अबू धाबी (संयुक्त अरब अमिरात): टोल फ्री: 800-46342, WhatsApp: +971543090571, ईमेल: pbsk.dubai@mea.gov.in / ca.abudhabi@mea.gov.in
· कुवैत: +96565501946, ईमेल: community.kuwait@mea.gov.in
· बाहरीन: 00973-39418071
· मस्कत (ओमान): टोल फ्री: 80071234, WhatsApp: +96898282270, ईमेल: cw.muscat@mea.gov.in / cons.muscat@mea.gov.in
· जॉर्डन: 00962-770 422 276
· बगदाद (इराक): +964 771 651 1185 / +964 770444 4899, ईमेल: cons.baghdad@mea.gov.in / cons1.baghdad@mea.gov.in / pol.baghdad@mea.gov.in, वेबसाइट: eoibaghdad.gov.in

ही माहिती मुख्यमंत्री कार्यालय, महाराष्ट्र यांच्या अधिकृत X हँडलवरून जारी करण्यात आली आहे.