नांदेड २१ मे (प्रतिनिधी, माधव वाघमारे)

नांदेड शहर आणि जिल्ह्यात पेट्रोल तसेच डिझेलची टंचाई निर्माण झाल्याची चुकीची माहिती आणि अफवा सोशल मीडियासह इतर माध्यमांवर पसरत असल्याचा प्रकार समोर आला आहे. या पार्श्वभूमीवर जिल्हा प्रशासनाने तातडीने पावले उचलत, जिल्ह्यात इंधनाचा कोणताही तुटवडा नसून पुरवठा साखळी सुरळीत सुरू असल्याचे स्पष्ट केले आहे. नागरिकांनी कोणत्याही अफवांना बळी पडू नये आणि पेट्रोल पंपांवर विनाकारण गर्दी करू नये, असे आवाहन जिल्हाधिकारी तथा जिल्हादंडाधिकारी राहुल कर्डिले यांनी केले आहे.

जिल्हा प्रशासनाचा खुलासा: साठा पुरेसा आणि नियमित

जिल्हा प्रशासनाने दिलेल्या अधिकृत माहितीनुसार, नांदेड शहर व जिल्ह्यात पेट्रोल आणि डिझेलचा पुरेसा व नियमित साठा उपलब्ध आहे. इंधन पुरवठा साखळी कोणत्याही अडथळ्याशिवाय सुरळीतपणे कार्यरत असून संबंधित यंत्रणेमार्फत यावर सातत्याने देखरेख ठेवली जात आहे. त्यामुळे नागरिकांनी घाबरून जाण्याचे किंवा इंधनाचा अनावश्यक साठा करण्याचे कोणतेही कारण नाही.

उपलब्ध इंधनाची आकडेवारी (दि. २१/०५/२०२६ पर्यंत)

नांदेड जिल्ह्यातील प्रमुख तेल कंपन्यांकडील उपलब्ध इंधनाचा अधिकृत साठा (किलोलिटरमध्ये) खालीलप्रमाणे आहे: कंपनीचे नाव पेट्रोल (KL) डिझेल (KL) IOCL ६८० ४७० HPCL ६५० १००० BPCL ४५५ ३९७ NAYARA १६६ २१२ एकूण साठा१९५१२०७९

नागरिकांसाठी जिल्हा प्रशासनाचे मार्गदर्शक नियम व आवाहन:

१. अफवांवर विश्वास ठेवू नका: सोशल मीडियावरील कोणत्याही अप्रमाणित, खोट्या किंवा चुकीच्या संदेशांवर विश्वास ठेवू नये.
२. अनावश्यक साठा टाळा: भीतीपोटी किंवा गरजेपेक्षा जास्त प्रमाणात पेट्रोल/डिझेल खरेदी करून घरात साठा करण्याचा प्रयत्न करू नये.
३. पंपांवर गर्दी करू नका: पेट्रोल पंपांवर अनावश्यक गर्दी करणे टाळावे, जेणेकरून वाहतुकीला कोणताही अडथळा निर्माण होणार नाही.
४. कठोर कारवाईचा इशारा: इंधन टंचाई संदर्भात अफवा पसरवणे किंवा चुकीची माहिती प्रसारित करणे हा कायद्याने दंडनीय अपराध असून, अशा व्यक्तींवर प्रशासन कठोर कारवाई करणार आहे.
५. अधिकृत माहिती घ्या: कोणतीही शंका असल्यास केवळ अधिकृत शासकीय माध्यमांतूनच माहितीची खात्री करून घ्यावी.

तक्रार निवारण आणि संपर्क यंत्रणा

नांदेड जिल्हा प्रशासनाने नागरिकांच्या सुविधेसाठी आणि तक्रारी नोंदवण्यासाठी विशेष हेल्पलाईन आणि तालुकास्तरीय संपर्क क्रमांक जाहीर केले आहेत.

• मुख्य व्हॉट्सॲप चॅट बॉट / तक्रार क्रमांक: ८६६८२२३३२६ (8668223326)
• अधिकृत ईमेल: dsonanded1@gmail.com
  तालुकास्तरीय संपर्क क्रमांक:
• नांदेड: 7030013010 | अर्धापूर: 9405625655 | मुदखेड: 9766026017
• धर्माबाद: 9284284210 | मुखेड: 9423327062 | उमरी: 9404884527
• बिलोली: 9620610106 | लोहा: 9864324042 | हिमायतनगर: 7300813028
• हदगाव: 9405625655 | कंधार: 9823704325 | माहूर: 9403124103
• भोकर: 9423246606 / 9423246606 | देगलूर: 9423600052
• नायगाव: 7057000265

“अफवांवर विश्वास ठेवू नका – सत्य माहितीवर विश्वास ठेवा – प्रशासनासोबत सहकार्य करा. सर्वांच्या सहकार्याने कोणतीही अनुचित परिस्थिती निर्माण होणार नाही, याची खात्री बाळगावी. राहुल कर्डिले, जिल्हाधिकारी तथा जिल्हादंडाधिकारी, नांदेड.