नांदेड १३ मे प्रतिनिधी

व.जिल्हा पोलीस दलाच्या वतीने राबविण्यात येत असलेल्या ‘ऑपरेशन क्रॅक डाऊन’ अंतर्गत अवैध धंद्यांविरुद्ध कडक मोहीम उघडण्यात आली आहे. या मोहिमेअंतर्गत नांदेड ग्रामीण पोलिसांनी कृषी उद्योग गेटजवळ छापा मारून दोन आरोपींना १,१९,३५०/- रुपयांच्या मुद्देमालासह ताब्यात घेतले आहे.

नेमकी घटना काय?

दिनांक १२ मे २०२६ रोजी दुपारी १३:१० वाजेच्या सुमारास नांदेड ग्रामीण पोलिसांना गोपनीय माहिती मिळाली की, कृषी उद्योग गेटजवळून चंदासिंग कॉर्नरकडे जाणाऱ्या रोडवर अवैध दारूची वाहतूक होणार आहे. या माहितीच्या आधारे पोलिसांनी सापळा रचून कारवाई केली.

जप्त केलेला मुद्देमाल

या कारवाईत पोलिसांनी खालील मुद्देमाल जप्त केला आहे:

• विदेशी दारूच्या १८० मिलीच्या एकूण १९८ बाटल्या.
• वाहतुकीसाठी वापरण्यात आलेली एक स्कुटी.
• एकूण जप्त मुद्देमालाची किंमत १,१९,३५०/- रुपये इतकी आहे.

आरोपींची माहिती

या प्रकरणात पोलिसांनी दोन जणांना अटक केली असून ते दोन्ही आरोपी तेलंगणा राज्यातील आहेत:
१. पल्ले स्वामी गौंड (वय ४१ वर्षे, रा. मचारड्डी फरीदपेट, जि. निजामाबाद).
२. यादगीर नारायण परकी (वय ४६ वर्षे, रा. पेद्या गंडाबेल्ली, जि. सिद्धीपेट).

वरिष्ठांच्या मार्गदर्शनाखाली कारवाई

सदर कारवाई पोलीस अधीक्षक श्री. अबिनाश कुमार, अप्पर पोलीस अधीक्षक श्रीमती अर्चना पाटील (भोकर), अप्पर पोलीस अधीक्षक श्री. सुरज गुरव, आणि उपविभागीय पोलीस अधिकारी श्री. प्रशांत शिंदे यांच्या मार्गदर्शनाखाली करण्यात आली.
या पथकात पोलीस निरीक्षक ओमकांत चिंचोलकर, पोलीस उपनिरीक्षक व्यंकट कुसमे, वसंत केंद्रे, विनोद पवार आणि इतर अंमलदारांचा समावेश होता. उत्कृष्ट कामगिरी केल्याबद्दल पोलीस अधीक्षकांनी या पथकाचे कौतुक केले आहे.
प्रतिनिधी: माधव वाघमारे