नांदेड २० जुलै सोमवार २०२६
आषाढी एकादशीचे औचित्य साधून येत्या २५ जुलै २०२६ (शनिवार) रोजी नांदेड शहरात भव्य ‘माऊली दिंडी’ व ‘प्रती पंढरपूर’ सोहळ्याचे आयोजन करण्यात आले आहे. या सोहळ्याची पूर्ण तयारी झाली असून, दिंडीच्या माध्यमातून भक्तिरस आणि सामाजिक एकतेचा अनोखा संगम पाहायला मिळणार असल्याची माहिती मुख्य संयोजक डॉ. रमेश नारलावार यांनी पत्रकार परिषदेत दिली.
दिंडीचे प्रमुख आकर्षण
- मनमोहक देखावे: विठ्ठल-रुक्माईचा भव्य आणि नयनरम्य देखावा.
- पारंपरिक पथके: टाळकरी, विणेकरी, मृदंगधारी यांचा उत्साहपूर्ण सहभाग.
- शौर्य व सांस्कृतिक सादरीकरण: लेझीम पथकाचा ठेका, ‘झाशीची राणी’ देखावा आणि लहान मुलांच्या शौर्य पथकाची थरारक प्रात्यक्षिके.
शोभायात्रेचा मार्ग आणि वेळ
- दिनांक व वेळ: २५ जुलै २०२६, शनिवार | दुपारी १:३० वाजता.
- प्रारंभ: विठ्ठल रुक्माई मंदिर, संत नामदेव मंदिर (गायत्री मंदिराजवळ, नवीन पुलाखाली).
- मार्ग: नवीन पुलाखालून निघून मोंढा येथील टॉवरमार्गे कलामंदिर आणि स्वामी समर्थ मंदिरापर्यंत.
- सांगता: स्वामी समर्थ मंदिर येथे महाप्रसादाचे वाटप करून सोहळ्याची सांगता होईल.
माणुसकी जपणे हेच खरे हिंदुत्व डॉ. रमेश नारलावार
पत्रकार परिषदेत बोलताना डॉ. रमेश नारलावार यांनी दिंडीमागील मुख्य दोन उद्दिष्टे स्पष्ट केली. ते म्हणाले, “आम्ही या सोहळ्याच्या माध्यमातून भव्य सांस्कृतिक कार्यक्रम, हिंदू जनजागरण आणि सर्वसमावेशक एकत्रीकरणाचा संदेश देत आहोत. जैन, बौद्ध, शीख व इतर सर्व घटकांना एकत्र आणणे हा आमचा प्रयत्न आहे. खरे हिंदुत्व म्हणजे माणुसकी जपणे आणि इतरांसाठी त्याग करणे हेच आहे. हा सामाजिक संदेश आम्ही विविध स्लोगनच्या माध्यमातून समाजासमोर मांडत आहोत.”
सर्वधर्मीय नागरिकांना सहभागी होण्याचे आवाहन
या शोभायात्रेत नांदेडमधील सर्व डॉक्टर संघटना, व्यापारी व सामाजिक संघटना, राजस्थानी महिला मंडळ, आर्य वैश्य महिला मंडळ, भजनी मंडळे तसेच नानकसाई फाउंडेशन नांदेडचे अध्यक्ष श्री पंढरीनाथ बोकारे व विजय होकर्णे यांनी सक्रिय सहकार्य दर्शवले आहे.
या भव्य सोहळ्यात नांदेडमधील सर्व भाविक भक्तांनी आणि सर्व धर्मातील नागरिकांनी मोठ्या संख्येने सहभागी होऊन या आनंदयात्रेचे साक्षीदार व्हावे, असे आवाहन डॉ. रमेश नारलावार, श्री शंकरराव सिंगेवार (अध्यक्ष – मेरु शिंपी समाज), गणेश ठाकूर, डॉ. मनाठकर, डॉ. रायेवार आणि अरुण दमकोंडवार यांनी केले आहे.
