🌊 माहूरगड श्री रेणुका देवी संस्थानतर्फे पूरग्रस्तांना एक कोटींची मदत 🌊

नांदेड, दि. १ ऑक्टोबर : (प्रतिनिधी)
अत्यंत महत्वाचा व समाजहिताचा निर्णय घेत माहूरगड येथील श्री रेणुका देवी संस्थान तर्फे पूरग्रस्तांच्या मदतीसाठी मुख्यमंत्री सहाय्यता निधीमध्ये तब्बल एक कोटी रुपयांची मदत देण्यात येणार आहे.

संस्थानच्या अलीकडील बैठकीत हा ठराव मंजूर करण्यात आला. या वेळी अध्यक्ष तथा प्रमुख जिल्हा व सत्र न्यायाधीश सुनिल वेदपाठक यांनी नागरिक आणि विविध संस्था यांनी आपापल्या परीने पूरग्रस्तांच्या मदतीसाठी पुढे यावे, असे आवाहन केले.

बैठकीत माहूरचे उपविभागीय अधिकारी व संस्थेचे उपाध्यक्ष श्री. मळगणे, किनवटचे उपविभागीय अधिकारी व संस्थेचे सचिव जेनितचंद्र दोन्तुला तसेच विश्वस्त मंडळ उपस्थित होते.

संस्थानतर्फे समाजकारणाच्या कार्यात सातत्याने योगदान दिले जात असल्याचे अधोरेखित करत यावेळी करण्यात आलेली एक कोटी रुपयांची मदत ही समाजहिताचा आणि पूरग्रस्तांसाठी दिलासा देणारी ठरणार असल्याचे मत सर्व सदस्यांनी व्यक्त केले.

👉 समाजाने एकजुटीने पूरग्रस्तांच्या मदतीला धावून जाणे हीच खरी नैतिक जबाबदारी असल्याचे प्रतिपादन या बैठकीत करण्यात आले.

Tags: aawaztimes