नांदेड, दि. 5 नोव्हेंबर : (प्रतिनिधी)- माधव वाघमारे राज्य निवडणूक आयोगाने दिनांक 4 नोव्हेंबर 2025 च्या आदेशान्वये नांदेड जिल्ह्यातील एकूण 12 नगरपरिषदा आणि 1 नगरपंचायत अशा 13 स्थानिक स्वराज्य संस्थांच्या सर्वसाधारण निवडणुकीचा कार्यक्रम जाहीर केला आहे.या अनुषंगाने जिल्हाधिकारी मा.श्री. राहुल कर्डीले सर व RDC मा.श्री किरण आंबेकर सर व मा.श्री जिल्हा नगर परिषद आयुक्त गंगाधर इरलोड सर निवडणूक निर्णय प्राधिकाऱ्यांमार्फत दिनांक 6 नोव्हेंबर 2025 रोजी अधिकृत निवडणूक कार्यक्रम जारी केला जाणार आहे.
या निवडणुकांत मतदान 2 डिसेंबर 2025 रोजी सकाळी 7.30 ते सायं. 5.30 या वेळेत होईल. तसेच मतमोजणी 3 डिसेंबर 2025 रोजी सकाळी 10.00 वाजता सुरू होणार आहे. निवडणुकीच्या जाहीरतेपासूनच आदर्श आचारसंहिता लागू झाली असून निकालाची घोषणा होईपर्यंत ती अमलात राहील.
नांदेड जिल्ह्यातील नगरपरिषदा व नगरपंचायती मतदार व मतदान केंद्र संख्या
क्रमांक नगरपरिषद/नगरपंचायत एकूण मतदार मतदान केंद्र 1 देगलूर 47,539 (47) भोकर 28,257 (31) धर्माबाद 27,256 (33) किनवट 23,420 (29) उमरी 12,780 (16) हदगाव 23,194 (27) मुखेड 25,653 (27) कंधार 22,442 (26) बिलोली 12,602 (20) कुंडलवाडी 12,163 (18) मुदखेड 21,749 (25) लोहा 23,650 (31) हिमायतनगर (नगरपंचायत) 17,332 (21) एकूण मतदार संख्या 298040 व मतदान केंद्र संख्या 351 एवढी आहे
उमेदवारांसाठी आवश्यक सूचना
आरक्षण/राखीव जागेसाठी उमेदवारांनी
जात प्रमाणपत्र
जात वैधता प्रमाणपत्र
नामनिर्देशक पत्रासोबत सादर करणे आवश्यक.
जात वैधता प्रमाणपत्र उपलब्ध नसल्यास
पडताळणी समितीकडे सादर केलेल्या अर्जाची पोचपावती मान्य होईल.
परंतु निवडून आल्यानंतर 6 महिन्यांच्या आत जात वैधता प्रमाणपत्र सादर करणे बाध्यकारी.
अन्यथा निवड रद्द होईल याबाबतचे हमीपत्र देणे बंधनकारक.
उमेदवारांनी
http://mahasecelec.in/
या संकेतस्थळावर स्वतःची नोंदणी करून
- नामनिर्देशन पत्र
- शपथपत्र
ऑनलाईन भरावे ➝ त्याची प्रिंट काढून स्वाक्षरीसह निवडणूक निर्णय अधिकाऱ्याकडे ठरलेल्या वेळेत जमा करावे.
आचारसंहिता 4 नोव्हेंबरपासून लागू असून
- सरकारी यंत्रणा राजकीय प्रचारासाठी वापरता येणार नाही
- विकासकामांची नवीन घोषणा/भूमिपूजन बंद
- सार्वजनिक निधीचा प्रचारासाठी वापर निषिद्ध
- नियमांचे उल्लंघन केल्यास त्वरित कारवाई होणार
जिल्ह्यातील सर्व स्थानिक स्वराज्य संस्थांसाठी ही निवडणूक अत्यंत महत्त्वपूर्ण असल्याने मतदारांनी मोठ्या संख्येने मतदान करून लोकशाही प्रक्रियेतील सहभाग नोंदवावा, असे आवाहन जिल्हा निवडणूक प्रशासनाने केले आहे.
