प्रतिनिधी माधव वाघमारे
नांदेड ४ नोव्हेंबर संस्थापक संगीत महर्षी डॉ. अण्णासाहेब गुंजकर यांच्या गायन वादन विद्यालय, नांदेडच्या वतीने ‘सप्तसूर दीपावली’ उद्घाटन सोहळ्याचे आयोजन करण्यात आले आहे. हा भव्य कार्यक्रम दिनांक ०६ नोव्हेंबर २०२६ रोजी सायंकाळी ५.०० वाजता संगीत महर्षी डॉ. अण्णासाहेब गुंजकर सभागृह, गायन-वादन महाविद्यालय, कलामंदिर, नांदेड येथे पार पडणार आहे.
या सोहळ्याचे उद्घाटक म्हणून श्री शारदा भवन एज्युकेशन सोसायटीचे संचालक तथा श्री भा.च.स.सा.का.चे अध्यक्ष मा.श्री. नरेंद्रदादा चव्हाण उपस्थित राहणार आहेत. तसेच, नांदेड भूषन समाजसेवक तथा ज्येष्ठ नागरिक हक संघ (मराठवाडा उत्तर विभाग) चे अध्यक्ष डॉ. श्री. हंसराजजी वैद्य सर हे कार्यक्रमाचे अध्यक्षपद भूषवणार आहेत. श्री शारदा भवन एज्युकेशन सोसायटीचे सचिव तथा नांदेडचे माजी पालकमंत्री मा. श्री. डी.पी. सावंत साहेब हे या कार्यक्रमाचे विशेष अतिथी असणार आहेत.
प्रमुख पाहुणे: कार्यक्रमाला प्रमुख पाहुणे म्हणून दैनिक प्रजावाणीचे संपादक मा. श्री. शांतनुभाऊ डोईफोडे, मराठी पत्रकार परिषद मुंबईचे उपाध्यक्ष तथा होमगार्ड पथक नांदेडचे जिल्हा समादेशक मा. श्री. प्रकाशभाऊ कांबळे आणि दैनिक गोदातीर, नांदेडचे संपादक मा. श्री. केशवदादा घोणसे पाटील हे उपस्थित राहणार आहेत.
विशेष मार्गदर्शक व शास्त्रीय संगीत मैफल: कार्यक्रमात संगीत महामहोपाध्याय पंडीत श्री त्र्यंबक देशमुख (अर्थापूरकर), श्रीमती सिताभाभी राममोहनराव, पंडीत श्री शिवराजसजी देगलूरकर (पुणे), पंडीत. श्री रत्लाकर अपस्तंभ, पंडीत. श्री व्यंकटेश कोतापल्ले आणि ज्येष्ठ गायक श्री संजयजी जोशी हे विशेष मार्गदर्शक म्हणून लाभणार आहेत. याशिवाय, शास्त्रीय संगीत मैफलीमध्ये सितार वादक श्री सारंग अर्थापूरकर (सोबत तबला साथ: श्री प्रशांत गाजरे) आणि शास्त्रीय गायन पंडीत श्री जयंत केजकर (पुणे) (सोबत संवादिनी साथ: श्री मंगेश जवळकर आणि तबला साथ: श्री प्रशांत गाजरे) यांच्या कलाविष्काराचा उपस्थितांना लाभ मिळणार आहे.
विशेष सत्कार: संगीत विषयात पीएचडी पदवी प्राप्त केलेल्या विद्यार्थी कलावंतांचा याप्रसंगी विशेष सत्कार केला जाणार आहे. यामध्ये प्रा.डॉ. शिवदास शिंदे (संगीत विभाग प्रमुख, यशवंत महाविद्यालय, नांदेड), प्रा.डॉ. ज्ञानेश्वर बोंपीलवार (सहाय्यक प्राध्यापक, आर.एस. मोहता महिला महाविद्यालय, खामगाव), प्रा.डॉ. शिवराज शिंदे (सहाय्यक प्राध्यापक, स्वा.रा.ती.म.विद्यापीठ, नांदेड) आणि प्रा.डॉ. नामदेव बोंपीलवार (सहाय्यक प्राध्यापक, स्वा.रा.ती.म.विद्यापीठ, नांदेड) यांचा समावेश आहे.
कार्यक्रमाचे विनीत सुरमणी पंडीत. श्री श्यामराव गुंजकर, सौ. योगिता रविकल्याण गुंजकर, चि. शुभम व कु. आरोही गुंजकर हे असून, व्यवस्थापक म्हणून श्री अनंत पाटील धनेगावकर आणि प्रसिद्धी प्रमुख म्हणून श्री गणेश कस्तुुरे, श्री प्रमोद गजभारे व श्री माधव वाघमारे (प्रतिनिधी, आवाज टाईम्स) हे जबाबदारी पार पाडत आहेत. तसेच संयोजन समितीत नांदेडमधील अनेक मान्यवर व पत्रकार, पदाधिकारी सहभागी झाले आहेत.
