नांदेड (प्रतिनिधी माधव वाघमारे) दिनांक १ नोव्हेंबर
राज्याचे उपमुख्यमंत्री एकनाथ शिंदे यांचे आज दुपारी २:४५ वाजेच्या सुमारास नांदेड येथील विमानतळावर आगमन झाले. नांदेड दौऱ्यावर आलेल्या उपमुख्यमंत्र्यांचे विमानतळावर लोकप्रतिनिधी, प्रशासकीय अधिकारी आणि मान्यवरांच्या वतीने स्वागत करण्यात आले.
विमानतळावर उपमुख्यमंत्री एकनाथ शिंदे यांच्या स्वागतासाठी राज्याचे सार्वजनिक आरोग्य मंत्री प्रकाश आबीटकर, खासदार नागेश पाटील आष्टीकर, आमदार हेमंत पाटील, आमदार बालाजी कल्याणकर, आमदार बाबुराव कदम कोहळीकर, आमदार आनंद तिडके-बोंढारकर आणि आमदार प्रताप पाटील चिखलीकर हे प्रमुख लोकप्रतिनिधी उपस्थित होते.
याशिवाय प्रशासनाच्या वतीने आरोग्य आयुक्त संजय काटकर, नांदेडचे जिल्हाधिकारी राहूल कर्डीले, जिल्हा परिषदेचे मुख्य कार्यकारी अधिकारी महेश पाटील, विशेष पोलीस उपमहानिरीक्षक शहाजी उमाप, पोलीस अधीक्षक डॉ. निलाभ रोहन, तसेच नांदेड-वाघाळा शहर महानगरपालिकेचे आयुक्त डॉ. महेशकुमार डोईफोडे या प्रमुख अधिकाऱ्यांनी उपमुख्यमंत्र्यांचे पुष्पगुच्छ देऊन स्वागत केले.
उपमुख्यमंत्री एकनाथ शिंदे यांच्या या नांदेड दौऱ्यादरम्यान विविध शासकीय कार्यक्रम व आढावा बैठकांबाबत स्थानिक नागरिक आणि कार्यकर्त्यांमध्ये प्रचंड उत्सुकता पाहायला मिळत आहे. स्वागतानंतर उपमुख्यमंत्री पुढील नियोजित कार्यक्रमांसाठी रवाना झाले.
