प्रतिनिधी – माधव वाघमारे
भोकर, दि. ४ मार्च: तहसील कार्यालय भोकरच्या वतीने ७ मार्च छत्रपती शिवाजी महाराज महाराज्य अभियानांतर्गत’ विविध गावांमध्ये समाधान हिवाटे अभियानाचे आयोजन करण्यात येणार आहे. प्रशासनाने दिलेल्या माहितीनुसार, या अभियानाचे प्रमुख उद्दिष्ट हे नागरिकांच्या तक्रारी प्रशासनापर्यंत पोहोचवून त्यांचे तात्काळ निरसन करणे, प्रशासन अधिक गतिमान करणे, तसेच विविध शासकीय योजनांचा लाभ पात्र नागरिकांपर्यंत पोहोचवणे हा आहे.
अभियानातील प्रमुख बाबी
या उपक्रमांतर्गत महसूल विभागाच्या सेवा नागरिकांच्या दारी पोहोचवण्यावर भर देण्यात येणार आहे. विशेषतः फेरफार निकाल, ७/१२ उतारा, डिजिटल ७/१२ आणि ८ अ प्रमाणे उतारे यासारखे महत्त्वपूर्ण दस्तऐवज तात्काळ उपलब्ध करून देण्यावर भर असेल. तसेच, जातीचे, राष्ट्रीयत्वाचे, नावात सुधारणा आणि जन्म-मृत्यूची प्रमाणपत्रे या ठिकाणी देण्यात येणार आहेत.
प्रशासनाने डिजिटल सेवांचा वापर वाढवण्यासाठी ‘सिंगल डे सर्व्हिस डिलिव्हरी’ या संकल्पनेवर भर दिला आहे. यासोबतच प्रश्न अन-१ ते ८ अंतर्गत प्रलंबित प्रकरणे मार्गी लावण्यासाठी एक समन्वयक मॉनिटरिंग डॅशबोर्ड तयार करण्यात आला आहे. यामध्ये फेरफार निकाल, ७/१२ दुप्पली आणि इतर प्रमाणपत्रांच्या वितरणाचा आढावा घेतला जाणार आहे.
शिबिराचे वेळापत्रक:
या अभियानांतर्गत पुढील तीन महिन्यांत विविध ठिकाणी शिबिरांचे आयोजन करण्यात आले आहे. त्याचे वेळापत्रक पुढीलप्रमाणे:
· दिनांक ०७/०३/२०२६ – स्थळ: किनी
· दिनांक १४/०३/२०२६ – स्थळ: भोसी
· दिनांक १०/०४/२०२६ – स्थळ: मोबाईल (संभाव्य मोबाईल सेवा केंद्र)
· दिनांक १७/०५/२०२६ – स्थळ: मातुळ
· दिनांक २०/०६/२०२६ – स्थळ: भोकर
प्रशासनाने नागरिकांना या शिबिरांचा लाभ घेण्याचे आवाहन केले आहे. आपल्या परिसरातील तारखेला संबंधित कागदपत्रांसह उपस्थित राहून शासकीय सेवा सहजतेने मिळवाव्यात, तहसीलदार विनोद गुंडमवार भोकर यांनी असे आवाहन तहसील कार्यालयामार्फत करण्यात आले आहे.
