नांदेड ४ ऑगस्ट ( प्रतिनिधी/माधव वाघमारे)
नांदेड जिल्ह्यातील मालमत्तेविरुद्ध व शरीराविरुद्ध होणाऱ्या गुन्ह्यांना आळा घालणे, सराईत गुन्हेगारांवर प्रभावी नियंत्रण ठेवणे तसेच कायदा व सुव्यवस्था अधिक सक्षम करण्याच्या उद्देशाने नांदेड पोलीस प्रशासनाने मोठी कारवाई केली आहे. पोलीस अधीक्षक मा. डॉ. नीलाभ रोहन यांच्या आदेशानुसार ३ ऑगस्ट २०२६ च्या रात्री ११:०० वाजेपासून ते ४ ऑगस्ट २०२६ च्या पहाटे ०३:०० वाजेपर्यंत संपूर्ण जिल्ह्यात विशेष ‘काँम्बिंग ऑपरेशन’ राबवण्यात आले.
या विशेष मोहिमेत मालमत्तेविरुद्ध व शरीराविरुद्ध गुन्हे करणारे सराईत गुन्हेगार, अवैध शस्त्रे बाळगणारे, हद्दपार, तडीपार, हिस्ट्रीशीटर, तसेच पाहिजे व फरार आरोपींची सखोल पडताळणी करून धरपकड करण्यात आली.
कारवाईचा ताळेबंद (एक दृष्टिक्षेप):
- अधिकारी व अंमलदार तैनात: ६३ पोलीस अधिकारी व २२१ पोलीस अंमलदार.
- तडीपार/प्रस्तावित गुन्हेगार तपासले: ३४ गुन्हेगार (कलम ५५, ५६, ५७ मधील).
- MPDA मधून सुटलेले गुन्हेगार: ३१ जण चेकिंगच्या जाळ्यात.
- सराईत गुन्हेगारांची तपासणी: ९१ गुन्हेगारांची सखोल झाडाझडती.
- दाखल गुन्हे: आर्म ॲक्टप्रमाणे ०२ गुन्हे, तर म.पो.का. कलम १२२ अन्वये ०४ गुन्हे.
- वॉरण्ट बजावणी: ३० जामीनपात्र (BW) आणि १४ गैरजामीनपात्र (NBW) वॉरण्ट बजावण्यात आले.
- समन्स बजावणी: तब्बल ५८ समन्स बजावण्यात आले.
काँम्बिंग ऑपरेशनदरम्यान दाखल झालेले प्रमुख गुन्हे:
- स्थागुशा – शिवाजीनगर: गुरनं ३४४/२६, कलम ४/२५ भा.ह.का. (०२ आरोपी)
- विमानतळ पोलीस ठाणे: गुरनं ३६२/२६, कलम ४/२५ भा.ह.का. (०१ आरोपी)
- वजिराबाद पोलीस ठाणे: गुरनं ३९२/२६, कलम १२२ म.पो.का. (०१ आरोपी)
- भाग्यानगर पोलीस ठाणे: गुरनं ४१५/२६, कलम १२२ म.पो.का. (०१ आरोपी)
- भाग्यानगर पोलीस ठाणे: गुरनं ४१६/२६, कलम १२२ म.पो.का. (०२ आरोपी)
- भाग्यानगर पोलीस ठाणे: गुरनं ४१७/२६, कलम १२२ म.पो.का. (०१ आरोपी)
पोलीस दलाची मोठी यंत्रणा मैदानात
सदर विशेष मोहिमेत अपर पोलीस अधीक्षक भोकर, सर्व उपविभागीय पोलीस अधिकारी, जिल्ह्यातील सर्व पोलीस ठाणे प्रभारी अधिकारी व दुय्यम अधिकारी, स्थानिक गुन्हे शाखा (LCB) नांदेड येथील अधिकारी व अंमलदार तसेच RCP पथकाने सक्रिय सहभाग घेऊन व्यापक तपासणी मोहीम फत्ते केली.
या धडक कारवाईमुळे जिल्ह्यातील गुन्हेगारी वर्तुळात मोठी खळबळ उडाली असून, कायदा-सुव्यवस्था बिघडवणाऱ्यांची गय केली जाणार नाही, असा सडेतोड इशारा पोलीस प्रशासनाने दिला आहे.
