नांदेड |४ जानेवारी (प्रतिनिधी) माधव वाघमारे
नांदेड-वाघाळा शहर महानगरपालिकेच्या आगामी सार्वत्रिक निवडणुकीच्या पार्श्वभूमीवर भारतीय जनता पक्षाने प्रचाराचा जोरदार शुभारंभ केला आहे. प्रभाग क्रमांक ६ मधील अधिकृत उमेदवारांच्या प्रचाराचा भव्य शुभारंभ रविवारी, दिनांक ४ जानेवारी २०२६ रोजी सकाळी ८.३० वाजता नांदेड येथील यशवंतनगरमधील श्रीराम मंदिर परिसरात उत्साहात पार पडणार आहे.
या प्रचार शुभारंभ कार्यक्रमाला भाजपाचे ज्येष्ठ नेते, लोकप्रतिनिधी व पदाधिकारी यांची प्रमुख उपस्थिती लाभणार आहे. या वेळी खासदार मा. श्री. अजितजी गोपछडे, आमदार मा. श्री. संजयजी कोठे, मा. श्री. डी. पी. सावंत, तसेच महानगराध्यक्ष मा. आ. अमरनाथ राजुरकर यांची उपस्थिती राहणार असून ते मार्गदर्शन करणार आहेत.
प्रभाग क्रमांक ६ मधून भाजपातर्फे उमेदवारी मिळालेल्या भवरे शिला किशोर, यन्नम राजेश्वर लक्ष्मीनारायण, देशमुख वैशाली मिलिंद आणि हे उमेदवार जनतेशी थेट संवाद साधत विकासाच्या मुद्द्यांवर विश्वास मागणार आहेत.
या प्रचार शुभारंभ कार्यक्रमासाठी परिसरातील नागरिक, कार्यकर्ते व पदाधिकारी मोठ्या संख्येने उपस्थित राहणार असून, “विकास, पारदर्शकता आणि सक्षम नेतृत्व” या त्रिसूत्रीवर भाजपाचा प्रचार केंद्रित राहणार असल्याचे पदाधिकाऱ्यांनी सांगितले.
महापालिका निवडणुकीच्या रणांगणात उतरलेल्या भाजपाने सुरुवातीलाच शक्तिप्रदर्शन करत प्रभाग क्रमांक ६ मध्ये विजयाचा निर्धार व्यक्त केला आहे. हा प्रचार शुभारंभ आगामी निवडणुकीच्या दृष्टीने अत्यंत महत्त्वाचा मानला जात आहे.
