नरशी / नांदेड २५ जुलै प्रतिनिधी
नरशी (ता. रामतीर्थ) येथील बसस्थानकासमोरील अर्शर्वाद लॉज आणि आनंद लॉज येथे छुपेपणाने सुरू असलेल्या वेश्या व्यवसायाचा नांदेड पोलिसांनी पर्दाफाश केला आहे. स्थानिक गुन्हे शाखा (LCB) व अनैतिक मानवी वाहतूक प्रतिबंधक कक्ष (AHTU) यांनी संयुक्तपणे ही मोठी कारवाई केली. या कारवाईत ७ पीडित महिलांची सुटका करण्यात आली असून १० आरोपींना रंगेहात अटक करण्यात आली आहे.

बोगस गिऱ्हाईक पाठवून टाकली धाड

नरशी येथील बसस्थानकासमोरील लॉजचा मालक पांडुरंग शिवराम श्रीगिरि हा बाहेरील राज्यातील व राज्यातील इतर भागांतील महिलांना पैशांचे आमिष दाखवून, जबरदस्तीने त्यांच्याकडून वेश्या व्यवसाय करून घेत असल्याची खात्रीशीर माहिती पोलिसांना मिळाली होती.
या माहितीच्या आधारे बिलोलीचे पोलीस उपअधिक्षक शाम पानेगावकर यांच्या नेतृत्वाखाली विशेष पथक तयार करण्यात आले. पोलिसांनी शासकीय पंचांसमक्ष दोन सामाजिक कार्यकर्त्यांना ‘बोगस गिऱ्हाईक’ म्हणून लॉजवर पाठवले. वेश्यागमनासाठी इसम निश्चित होताच इशारा मिळताच पोलीस पथकाने दोन्ही लॉजवर अचानक छापा टाकला.

१० आरोपींना अटक, २ लाखांचा मुद्देमाल जप्त

छाप्यादरम्यान पोलिसांनी १० जणांना ताब्यात घेतले:
१) राहुल यशवंता कोलते (वय ४०, रा. चिलपिंपरी, मुखेड)
२) विश्र्वांबर व्यंकटी गाडे (वय ३४, रा. चिलपिंपरी, मुखेड)
३) बालाजी आनंदा सूर्यवंशी (वय ३२, रा. नरशी)
४) खाकीबा शिवाजी सूर्यवंशी (वय २६, रा. नरशी)
५) पांडुरंग शिवराम श्रीगिरि (वय ६६, लॉज मालक, रा. नरशी)
६) नरसिंग बाबुसिंग ठाकूर उर्फ परदेशी (वय २५, रा. नरशी)
७) प्रविण दत्तु वारनलवार (वय २०, रा. मदनूर)
८) कृष्णा बालाजी देशपिठवार (वय ३२, रा. तेल्लुर)
९) व्यंकट माधव नारे (वय ४०, रा. नरशी)
१०) विक्की विनोद ईंदुरकर (वय ३८, रा. हडको, नांदेड)
या कारवाईदरम्यान नांदेड व पश्चिम बंगाल येथील ७ पीडित महिलांची सुटका करण्यात आली. तसेच घटनास्थळावरून रोकड, मोबाईल फोन आणि इतर साहित्य असा एकूण २,०४,०८० रुपयांचा मुद्देमाल जप्त करण्यात आला आहे.

विविध कलमांखाली गुन्हा दाखल

या प्रकरणी महिला पोलीस उपनिरीक्षक अश्र्विनी गायकवाड यांच्या फिर्यादीवरून रामतीर्थ पोलीस ठाण्यात गुन्हा रजि. क्र. १५३/२०२६ नुसार ‘अनैतिक मानवी व्यापार प्रतिबंध अधिनियम १९५६’ चे कलम ३, ४, ५, ६ सह भारतीय न्याय संहिता (BNS) कलम १४३(२) अन्वये गुन्हा दाखल करण्यात आला आहे.

पोलीस पथकाची कामगिरी

सदर कारवाई नांदेडचे पोलीस अधीक्षक मा. डॉ. नीलाभ रोहन यांच्या आदेशाने, बिलोलीचे पोलीस उपअधिक्षक शाम पानेगावकर, परिविक्षाधीन पोलीस उपअधिक्षक वैभव पडवळ, स्थानिक गुन्हे शाखेचे पोलीस निरीक्षक अतुल भोसले, रामतीर्थचे सपोनि विक्रम हराळे, पोउनि साईनाथ पुयड, मिलिंद सोनकांबळे तसेच पोलीस अंमलदार कवठेकर, बामणे, शेख उमर, लोसरवार, कुलथे, अझरोद्दीन, बिरादार, स्वामी, माने, राठोड, जोंधळे, जाधव, लोणे, देवकत्ते, मपोकॉ/सूर्यवंशी, मपोकॉ केंद्रे व AHTU च्या महिला पो.उप.नि अश्र्विनी गायकवाड व पोहेकॉ मोरे यांनी यशस्वीरीत्या पार पाडली.
विशेष बातमी प्रतिनिधी: माधव वाघमारे