नांदेड २८ एप्रिल प्रतिनिधी
शहरातील चोरीच्या घटना आणि शरीराविरुद्धच्या गुन्ह्यांना पायबंद घालण्यासाठी नांदेड पोलीस अधीक्षक श्रीकृष्ण कोकाटे यांच्या मार्गदर्शनाखाली ‘ऑपरेशन फ्लश आऊट’ अंतर्गत धडक मोहीम राबवण्यात येत आहे. गेल्या १६ दिवसांत तब्बल १४८ पेक्षा जास्त रेकॉर्डवरील गुन्हेगारांची तपासणी करून त्यांच्यावर प्रतिबंधात्मक कारवाई करण्यात आली असून, शहरात मोठ्या प्रमाणावर कॉम्बिंग ऑपरेशन’ (Combining Operation) राबवले जात आहे.
रात्रभर चालले कॉम्बिंग ऑपरेशन
दिनांक २७ एप्रिलच्या रात्री ११:०० वाजल्यापासून ते २८ एप्रिल २०२६ च्या पहाटे ३:०० वाजेपर्यंत नांदेड शहरात विशेष कोम्बिंग ऑपरेशन राबवण्यात आले. पोलीस अधीक्षक मा. श्री. अबिनाश कुमार यांच्या नेतृत्वाखाली राबवण्यात आलेल्या या मोहिमेत अपर पोलीस अधीक्षक, उपविभागीय पोलीस अधिकारी, स्थानिक गुन्हे शाखेचे निरीक्षक आणि विविध पोलीस ठाण्यांचे प्रभारी अधिकारी अशा एकूण ३० अधिकारी आणि ९२ अंमलदारांच्या ताफ्याने सहभाग घेतला.
कारवाईचा तपशील (आकडेवारी एका नजरेत)
या मोहिमेदरम्यान गुन्हेगारांचे ‘राउंडिंग अप’ करून अत्यंत कडक तपासणी करण्यात आली. त्याचे आकडे खालीलप्रमाणे आहेत:
- चेक केलेले तडीपार गुन्हेगार: ३९
- MPDA मधून सुटलेले गुन्हेगार: २३
- शरीराविरुद्धचे सराईत गुन्हेगार: ४७
- आर्म ॲक्ट अंतर्गत कारवाई: ०१
- कलम १२४ मपोका अन्वये गुन्हे: ०१
- एकूण गुन्हे दाखल: ९५ गुन्हे (११७ आरोपींविरुद्ध कारवाई)
पाहिजे असलेल्या गुन्हेगारांची धरपकड
या मोहिमेत केवळ सराईत गुन्हेगारच नव्हे, तर अवैध शस्त्रे बाळगणारे, हद्दपार केलेले आरोपी, हिस्ट्रीशीटर आणि अनेक दिवसांपासून फरार असलेल्या (Wanted) गुन्हेगारांची देखील कसून तपासणी करण्यात आली. ६ एप्रिल ते २७ एप्रिल या कालावधीत सातत्याने ही मोहीम राबवली जात आहे.
विशेष म्हणजे, मपोका कलम ५५, ५६/५७ प्रमाणे हद्दपार केलेल्या ३० इसमांपैकी १० इसम हे हद्दपारीचा आदेश झुगारून शहरात वावरताना आढळले. त्यांच्यावर कलम १४२ नुसार गुन्हे नोंदवण्यात आले आहेत.
विमानतळ आणि वजीराबाद पोलिसांची मोठी कारवाई
विमानतळ पोलीस स्टेशन हद्दीत कलम ३१०(४) BNS आणि आर्म ॲक्ट ३/२५, ४/२५ नुसार ५ आरोपींवर गुन्हे दाखल करण्यात आले. तसेच वजीराबाद पोलीस स्टेशन अंतर्गत एका आरोपीवर कलम १२४ मपोका नुसार कारवाई करण्यात आली आहे.
नांदेड शहरात शांतता आणि सुव्यवस्था अबाधित राखण्यासाठी पोलिसांची ही ‘नाकाबंदी’ आणि ‘चेकिंग’ मोहीम यापुढेही सुरूच राहणार असल्याचे जनसंपर्क अधिकारी, पोलीस अधीक्षक कार्यालय, नांदेड यांनी कळवले आहे.
वृत्त संकलन
प्रतिनिधी माधव वाघमारे, नांदेड.
