नांदेड ३१ जुलै (प्रतिनिधी माधव वाघमारे)
नांदेड पोलीस दलात प्रदीर्घ काळ सेवा बजावून उत्कृष्ट कामगिरी करणारे २ पोलीस उपनिरीक्षक, ९ ग्रेड उपनिरीक्षक आणि ५ पोलीस अंमलदार असे एकूण १६ अधिकारी व अंमलदार ३१ जुलै २०२६ रोजी नियत वयोमानानुसार सेवानिवृत्त झाले. पोलीस अधीक्षक कार्यालयातील मंथन हॉल येथे आयोजित विशेष कार्यक्रमात या सर्व सेवानिवृत्त कर्मचाऱ्यांचा भावूक वातावरणात सत्कार करून त्यांना सन्मानपूर्वक निरोप देण्यात आला.
पोलीस अधीक्षक मा. श्री निलाभ रोहन आणि पोलीस उप-अधीक्षक (गृह) श्री सुनिल माने यांच्या हस्ते सर्व सेवानिवृत्त अधिकारी व कर्मचाऱ्यांना पुष्पगुच्छ, शाल, श्रीफळ आणि भेटवस्तू देऊन गौरविण्यात आले. या प्रसंगी उपस्थितांना मार्गदर्शन करताना सेवानिवृत्तांनी यापुढील काळात आपल्या कुटुंबाला पुरेसा वेळ द्यावा, तसेच स्वतःच्या आरोग्याची काळजी घेऊन सुखी आणि आनंदी जीवन जगावे, असा मौलिक सल्ला देण्यात आला.
यांचा झाला सन्मान व निरोप:
सेवानिवृत्त झालेल्या १६ अधिकारी व अंमलदारांची नावे आणि त्यांची नियुक्तीची ठिकाणे खालीलप्रमाणे आहेत:
- श्री विलास मारोती मुस्तापूरे (पोउपनि) – नियंत्रण कक्ष नांदेड
- श्री विश्वांबर लिंगाबरराव निकम (पोउपनि) – पोस्टे कुंटूर
- श्री खय्युम शमशोदीन शेख (ग्रेड पोउपनि) – ए.टी.बी.
- श्री संभाजी दत्तात्रय कदम (ग्रेड पोउपनि) – पोस्टे कुंटूर
- श्री मोहन अमरसिंग राठोड (ग्रेड पोउपनि) – पोस्टे भोकर
- श्री बालाजी माधवराव पंदलवाड (ग्रेड पोउपनि) – पो.मु.नांदेड
- श्री अमर दशरथ परदेशी (ग्रेड पोउपनि) – गु.सु.शा.
- श्री नागोराव उदयसिंग चव्हाण (ग्रेड पोउपनि) – पो.मु.नांदेड
- श्री उत्तम गोपाल गायकवाड (ग्रेड चापोउपनि) – शवाशा
- श्री प्रकाश लिंबाजीराव राठोड (ग्रेड चापोउपनि) – शवाशा
- श्री विदयासागर प्रल्हाद जोंधळे (ग्रेड चापोउपनि) – पोस्टे इतवारा
- श्री उद्धव कोंडीबा भारती (सपोउपनि) – पोस्टे नांदेड ग्रामीण
- श्री भिमराव उमला जाधव (पोहेकॉ) – पोस्टे भोकर
- श्री खुशाल परमेश्वर तुपदाळे (चापोहेकॉ) – मोपवि नांदेड
- श्री बाबुराव गणपत मोरे (पोना) – पोमु नांदेड
- श्री वैजनाथ रघुनाथ शिरसाठ (पोकॉ) – पोस्टे माळाकोळी
अधिकारी व कर्मचाऱ्यांची मोठी उपस्थिती
पोलीस अधीक्षक कार्यालय, नांदेड येथील ‘मंथन हॉल’मध्ये पार पडलेल्या या निरोप सभारंभास पोलीस कल्याण विभागाचे पोनि श्री जगधीश मंडलवार यांच्यासह नांदेड पोलीस दलातील अनेक पोलीस अधिकारी व अंमलदार मोठ्या संख्येने उपस्थित होते.
सदर कार्यक्रमाचे उत्कृष्ट सूत्रसंचालन वाचक शाखेचे सपोनि श्री रियाज शेख यांनी केले. तर कार्यक्रमाच्या यशस्वी आयोजनासाठी पीआरओ कार्यालयाचे पोउपनि आशिष बोराटे, पोकॉ/मारोती कांबळे, नरेंद्र राठोड तसेच पोलीस कल्याण विभागाच्या मपोकॉ/कविता भिमलवाड यांनी परिश्रम घेतले.
